ភ្នំពេញ៖ បុរសម្នាក់បានរង់របួសធ្ងន់ខណៈដែលរូបគាត់កំពុងដេកក្នុងម៉ូតូរីម៉កកង់បី មួយគ្រឿង កំពុងចតចោលនៅលើចញ្ចើមផ្លូវ ក៍ត្រូវរថយន្ដដ mini cooper មួយគ្រឿង បើកដោយបុរសម្នាក់ បើកយ៉ាងលឿន បានទៅបុកយ៉ាងពេញមួយទំហឹង។
ហេតុការណ៍គ្រោះថ្នាក់ចរាចរនេះបានកើតឡើងកាលពីវេលាម៉ោង០១ និង១០នាទី យប់ឈានចូលថ្ងៃទី២៨ ខែមិនា ឆ្នាំ២០១៤ ត្រង់ចំណុចមុខផ្ទះលេខ13EO ស្តិតនៅតាមបណ្ដោយផ្លូវ១៩កែងនិងផ្លូវ២៤០ ក្រុម៤២ ភូមិ១១ ក្នុងសង្កាត់ជ័យជំនះ ខណ្ឌដូនពេញ។
យោងតាមប្រភពព័ត៌មានបានអោយដឹងថា នៅមុនពេលកើតហេតុគេឃើញបុរសម្នាក់ បើករថយន្ដ mini cooper មួយគ្រឿង ពណ៏ក្រហម ពាក់ស្លាកលេខ ភ្នំពេញ 2X.0660 ធ្វើដំណើរតាមបណ្ដោយផ្លូវ ២៤០ ក្នុងទិសដៅពីកើតទៅលិច បើកយ៉ាងលឿន ខណៈដែលទៅដល់ កន្លែងកើតហេតុខាងលើ បានបួងចង្កូតតែបួងមិនផុតក៍ជ្រុលចង្កូតទៅបុក បុរសម្នាក់កំពុងដេកក្នុង ម៉ូតូរីម៉កកង់បី មួយគ្រឿង ពណ៏ក្រហម ពាក់ស្លាកលេខ កំពុងចតចោលនៅលើចញ្ចើមផ្លូវ យ៉ាងពេញមួយទំហឹង បណ្ដាលអោយបុរសខាងលើរង់របួសធ្ងន់ និងម៉ូតូរីម៉កកង់បីរង់ការខូចខាតស្ទីរទាំងស្រុង ភ្លាមៗនោះបង្ករខាងលើបានព្យាយាមបើករត់គេចបានដោយ សុវត្តិភាព តែសំណាងមិនល្អបានធ្លាក់ស្លាកលេខ នៅកន្លែងកើតហេតុ ។
ក្រោយពេលកើតហេតុ ជនរង់គ្រោះត្រូវរថយន្ដសាមុយដឹកទៅសង្គ្រោះនៅមន្ទីរពេទ្យ ចំណែកម៉ូតូរីម៉កកង់បីខាងលើត្រូវសម្ដកិច្ចយកទៅរក្សាទុកនៅខណ្ឌដូនពេញ ហើយស្លាកលេខរថយន្ដបង្ករដែលធ្លាក់នៅកន្លែងកើតហេតុខាងលើ ត្រូវសម្ដកិច្ចយកទៅស្រាវជ្រាវរកជនបង្ករខាងលើ មកដោះស្រាយទៅតាមផ្លូវច្បាប់។
មតិយោបល់