ប្រភពព័ត៌មាន ESPN និង Skysport បានលើកឡើងថា ខ្សែបម្រើវ័យចំណាស់របស់ក្លិបបិសាចក្រហម Manchester United កីឡាករ Ryan Giggs អាចនឹងចាកចេញពីក្លិបក្រោយពេលរូបគេមិនពេញចិត្ត នឹងការដឹកនាំរបស់លោក David Moyes ។
ខ្សែបម្រើស្លាបវ័យ ៤០ ឆ្នាំរូបនេះគឺមិនសូវជាបានចូលលេងជា ជម្រើស ១១នាក់ដំបូងញឹកញាប់ទេឲ្យក្លិបបិសាចក្រហមនៅរដូវកាលនេះប៉ុន្តែរូបគេត្រូវបានក្លិបជ្រើសតាំងឲ្យក្លាយជាអ្នកបង្ហាត់កីឡាករកាលពីដើមរដូវកាលហើយមកដល់ពេលនេះ Giggs ចូលលេងបានតែ ៦ ប្រកួតប៉ុណ្ណោះសម្រាប់ការប្រកួតក្នុងលីករបស់អង់គ្លេស ។
ស្របពេលដែលបិសាចក្រហម នឹងទទួលភ្ញៀនៅរាត្រីទៀបភ្លឺនេះ Ryan Giggs ក៏មានប្រវត្តិជួយឲ្យ បិសាចក្រហមយកឈ្នះ Bayern Munich ក្នុងលទ្ធផល ២-១ ក្នុងវគ្គផ្តាច់ព្រ័ត្រ របស់ក្របខណ្ឌ Champions League នាឆ្នាំ ១៩៩៩ ផងដែរ។
គួរបញ្ជាក់ថា អតីតជម្រើសជាតិវ៉េលរូបនេះបានចូលលេងឲ្យក្លិបក្នុងក្របខណ្ឌ Champions League ចំនួន ៥ លើកនិងការប្រកួត League Cup ចំនួន ២ លើកហើយកិច្ចសន្យារបស់គេ នឹងត្រូវបញ្ចប់ជាមួយ Manchester United នៅរដូវក្តៅនេះ៕
មតិយោបល់