អង់គ្លេស​៖សារព័ត៌មាន ក្នុងចក្រភពអង់គ្លេស តែងតែ​ចាប់រាល់កំហុស​ ក្នុងការប្រកួត​ធំៗ ក្លិបបិសាចក្រហម ដោយក្នុងនោះ បានបង្ហាញពីរូបភាព ដែលពោរពេញទៅដោយ សុទិដ្ឋិនិយមខ្លាំងណាស់ ។ ក្នុងរូបភាពនោះយើង​អាចមើលឃើញ ថា Rooney មើលទៅ​ដូច​សប្បាយរីករាយ ហើយ David Moyes បានបង្ហាញស្នាមញញឹមដូចគ្មានទុក្ខ​ព្រួយ នៅក្នុង​ទីលានហ្វឹកហាត់ ខណៈដែល បិសាចក្រហម​ត្រូ​វទទួលភ្ញៀវ នៅរាត្រីនេះ ។​

គំនិតនៃរូបភាពនេះ ជាក់ច្បាស់ណាស់ ពូកគេចង់ ឲ្យគូប្រជែង របស់ខ្លួន ក្លិប Bayern Munich ឃើញថាការប្រកួតនេះ ស៊ីផុយ ដោយគ្មានព្រឺរោមឡើយ​។​ ប៉ុន្តែ​ផ្ទុយមកវិញនោះជា​បញ្ហា​ហើយ ព្រោះថាពេលនេះ បិសាចក្រហម គ្មានអ្វីសោះ បន្លាច ដល់ Bayern Munich ក្រៅពីភាពកំប្លែង​ លើទីលានហ្វឹកហាត់​។​

ក៏ប៉ុន្តែបើយើងងាកទៅមើលក្លិប ផ្សេងវិញ ក្នុងនោះ Bacelona វិញគេអាចបន្លាច ក្លិប Atletico Madrid ដោយ​មាន​ កីឡាករជើងខ្លាំង Xavi-Iniesta-Messi ជាដើម ។​

ងាកទៅវិញ បើសិនជា​មើល​ស្ថានភាព បិសាចក្រហម កាលពីអតីតកាលពិតជាខ្លាំងមែន ក្នុងជំនួបជាមួយនឹង Bayern Munich ក៏ប៉ុន្តែ រាត្រីនេះ ទោះបីជាលើកទឹកដីខ្លួន មែនពិតតើអាចធ្វើអ្វីបាន ព្រោះថា ដូចជាខ្សត់ខ្សោយកីឡាករ​ខ្លាំងៗ ក្នុងការ​ទទួលភ្ញៀវ ។​ ថា​មិនត្រូវ វា​អាច​ប្រវត្តិសាស្ត្រច្រំដែល ព្រោះ មើលទៅឆ្នាំ ២០១០ ក្នុងក្របខណ្ឌ UCL ឬ UEFA Champion League នេះ បិសាចក្រហម​ក៏ជាម្ចាស់ផ្ទះ តែ​ឈ្នះ ក្លិប Bayern Munich ដោយលទ្ធផល ៣-២ តែប៉ុណ្ណោះ ។ បើរាត្រីនេះ ត្រឹមលទ្ធផលនេះមែន ជាក់ណាស់ ក្លិប បិសាចក្រហម ​អាច​នឹងរង្គោះរង្គើរជើង ខណៈវិលទៅកាន់ទឹកដីគេវិញ នោះ​ ។​
សូមបញ្ជាក់ផងដែរថា ការប្រកួតនេះវាត្រូវនឹង ថ្ងៃទី ១ ខែ មេសា ដែលថ្ងៃនេះ អង់គ្លេស​មាន​ពិធីបុណ្យមួយឈ្មោះថា Fool’s Day ឬ ខ្មែរប្រែថា ថ្ងៃល្ងីល្ងើរ ហើយអាចនឹង បិសាចក្រហម​អាចនឹង​ល្ងឺល្ងើរ នៅថ្ងៃនេះដែរ​៕​
ទស្សនាវិដេអូឃ្លិប ជួបគ្នាកន្លងមកដោយបិសាចក្រហម ឈ្នះ ៣-២ លើ Bayern Munich ៖