កាលពីរដូវកាលមុន ​ក្នុងក្របខណ្ឌ Champions League នេះ ​ក្លិប Dortmund បាន​បំបាក់ក្លិប អធិរាជស Real Madrid ដោយលទ្ធផល ៤-១ នៅលើទឹកដីរបស់ខ្លួន ។ ដែលពេលនោះវាជារឿងចម្លែកណាស់ ដែល កីឡាករ ខ្សែប្រយុទ្ធ Lewandowski ជួយឲ្យ​ក្រុម​អាល្លឺម៉ង់ឈ្នះ ។ តែ​សម្រាប់ជើងទី ២ ក្លិប Real Madrid ធ្វើមិនបានល្អឡើយ​ក្នុងការទទួលភ្ញៀវ Dortmund ដោយឈ្នះត្រឹមតែលទ្ធផល ២-០ ដោយសរុបទាំងពីជើង Real គឺចាញ់ Dortmund ៤ -៣ ។​

តែ​សម្រាប់រដូវកាលថ្មី ឆ្នាំ ២០១៣ -២០១៤ នៅរាត្រីនេះ ក្លិប Real Madrid ជាម្ចាស់ផ្ទះ សម្រាប់ជំនួបជើងទី ១ ក្នុងវគ្គ ៨ ក្រុម​ចុងក្រោយ នេះ ​ដោយត្រូវប្រកួតវេលាម៉ោង ១ និង ៤៥ នាទីរំលង​អធ្រាត្រ ដែលត្រូវនឹង​ព្រឹកព្រលឹមថ្ងៃទី ៣ ខែ មេសា ឆ្នាំ ២០១៤ ។
ជាក់ណាស់ បើផ្ទៀង​ទៅតាមលទ្ធផល​ជាក់ស្តែង ក្លិប​ Real Madrid អាចនឹង​លុត ក្លិប Dortmund យ៉ាង​ចាស់ដៃផងដែរ ដោយ​ពឹង​ទៅលើព័ត៌មាន​មួយចំនួនដូចខាងក្រោម ៖
ក្លិប Dortmund កីឡាករ​ដែលរបួសមាន Bender, Jannik Bandowski, Marcel Schmelzer, Jakub Blaszczykowski, Gundogan, Subotic ខណៈដែល Lewandowski ស្ថិតនៅក្នុងការព្យូរប្រកួតនៅឡើយ​។ ដោយឡែកសម្រាប់ Real Madrid និង Marcelo, Khedira, Arbeloa គឺជា​កីឡាករ​របួស ខណៈដែល​អ្នករបួស ជាច្រើនខែ Jese បានឭដំណឹងថាចូលហ្វឹកហាត់ជាមួយនឹងក្រុមទៅហើយនោះ​ ។ តែ​ទោះជាយ៉ាងណា​វា​មិនផ្តល់ហានិភ័យដល់ Real ឡើយ​​។​
រាត្រីនេះ​ ដំណឹង សូមព្យាករណ៍ ទុក ជាមុនថា ក្លិប Real Madrid ឈ្នះ ក្លិប Dortmund ៣ – ១ ក្នុងការប្រកួតជើងទី ១ នេះ ៕​
ទស្សនាឃ្លិបដូចខាង​ក្រោមនេះ៖
Borussia Dortmund vs. Real Madrid 4-1

Real Madrid 2-0 Borussia Dortmund