ចិន៖ ​ក្រុមហ៊ុន​ផលិត​រថយន្ត BMW China បាន​ប្រកាស​ឲ្យដឹង​ថា ខ្លួន​នឹង​ប្រមូល​រថយន្ត​ចំនួន ២៣២.០៩៨​គ្រឿង ចាប់ពី​ថ្ងៃ​ទី​១៨​ខែមិថុនា ដោយសារ​តែ​បញ្ហា​គ្រឿង​ម៉ាស៊ីន​។ នេះ​បើ​យោង​តាម​ការចុះផ្សាយ​របស់​ទីភ្នាក់ងារ​ព័ត៌មាន​ចិន ស៊ិនហួ​។​

​យោងតាម​ប្រភព​ខាងលើ​បាន​បញ្ជាក់​ឲ្យដឹងថា ក្នុងនោះ​មាន​រថយន្ត​ចំនួន ១៣៨.៥៣៤​គ្រឿង​ត្រូវបាន​នាំ​ចូល​ដោយ​ក្រុមហ៊ុន BMW China ចន្លោះ​ពី​ថ្ងៃ​ទី​១០​ខែមិថុនា ឆ្នាំ ២០០៩ ដល់​ថ្ងៃ​ទី​៣០​ខែកក្កដា ឆ្នាំ ២០១២ ដោយ​ក្នុង​នោះ​មាន​រថយន្ត​ស៊េរី BMW 1, 3, 5, 6, 7 ព្រមទាំង X1, X3, X5, X6 និង Z4 ចំណែក ៩៣.៦៥៤​គ្រឿង​ទៀត ស៊េរី BMW 3 និង 5​។​

​គួរ​បញ្ជាក់​ផង​ដែរ​ថា បញ្ហា​ខាងលើ​នេះ មិន​បណ្ដាលឲ្យ​មាន​មនុស្ស​របួស ឬ​ស្លាប់​ឡើយ ហើយ​ក្រុមហ៊ុន​នឹង​ធ្វើ​ការជួសជុល​ដោយ​មិន​គិតថ្លៃ​៕​