អេស្ប៉ាញ៖កាលពីរាត្រីទៀបភ្លឺ ព្រឹកមិញនេះដែរ ​ក្លិប Real Madrid បានបំបែកកំណត់ត្រា​ទី ១០ របស់ខ្លួន ក្នុងក្របខណ្ឌ European Cup នាវគ្គ ៨ ក្រុម​ចុងក្រោយ ​ដើម្បីឡើងទៅកាន់ជំហានបន្ទាប់ ដែលកាន់តែខិតជិត ខណៈឈ្នះ ក្នុងលទ្ធផល ៣-០ លើក្លិប Borussia Dortmund ក្នុងជំនួបជើងទី ១​ ធ្វើឡើងនៅ Bernabeu ។​

ស្រដៀង​នឹងដំណឹង ព្យាករណ៍​ទុក​ម្សិលមិញដែរថា ក្លិប Real Madrid និងឈ្នះ ៣ – ១ ក៏ប៉ុន្តែបែរជា ៣ – ០ ទៅវិញ ដោយសំអាងលើហេតុផល កីឡាករ Borussia Dortmund របួស​ច្រើនពេក ។

គ្រាប់បាល់ដែលធ្វើឲ្យ Real Madrid នាំមុខ គឺជាគ្រាប់បាល់ដែលរកបានដោយកីឡាករ Gareth Bale នៅនាទី ទី ៣ និង Isco នៅនាទី ២៧ និង​តង់ទី ២ នាទី ៥៧ ជាគ្រាប់បាល់របស់ Ronaldo ។​
សម្រាប់ Ronaldo បូករួមទាំង ១ គ្រាប់យប់មិញនេះដែរ ជា គ្រាប់បាល់ទី ១៤ ក្នុងក្របខណ្ឌ Champions League នា​រដូវកាលនេះ ។​
ទស្សនាវីដេអូឃ្លិបដូចខាងក្រោមនេះ៖