អតីតតារាម៉ូដែលរបស់ស៊ុយអ៊ែត នាង Elin Nordegren និងកូនៗ កំពុងរៀបចំខ្លួន ផ្លាស់ទៅរស់នៅ វីឡាថ្មី ដែលស្ថិតនោ ភាគខាងជើងនៃឆ្នេរ Palm Beach ក្នុងរដ្ឋផ្លរីដា ។
ប្រាក់ ១០០ លានដុល្លារ ដែលទទួលបានពីការលែងលះ រវាងអ្នកវាយកូនហ្គោលដ៏ល្បីឈ្មោះ លើពិភពលោក Tiger Woods នោះ នាង Elin Nordegren សម្រេចចិត្ត យកលុយនោះស្ថាបនា វីឡាថ្មី សន្លាងនៅ Palm Beach តែម្តង ។
វីឡាថ្មីដែលទើបតែសាងសង់រួចរាល់នេះ គឺមានសាងសង់លើផ្ទៃដី ១៥០០ ម៉ែត្រក្រឡា មាន បន្ទប់គេង ៨ ដែលទិញ ក្នុងតម្លៃ ១២, ២ លានដុល្លារ កាលពីឆ្នាំ ២០១១ ។ រហូតដល់ឆ្នាំ ២០១២ នាងក៏សម្រេចចិត្តវាយអគារចាស់នេះចោល ដោយសាងសង់ថ្មីតែម្តង ។ វីឡាថ្មីនេះដែរមាន បន្ទប់គេង ៩ បន្ទប់ទឹក ៨ អាងហែលទឹក សួនច្បារ និងកន្លែងហាត់ប្រាណ និងជាវីឡាដែលធំជាងគេនៅតំបន់នេះ ។ បើតាម ការគណនាតម្លៃ សាងសង់ វីឡានេះគឺ ចំនួនទឹកប្រាក់ ២០ លានដុល្លារ ។
តារាវាយកូនហ្គោល លំដាប់ពិភពលោក Tiger Woods និង Elin Nordegren បានលែងលះគ្នា កាលពីថ្ងៃទី ៨ ខែ សីហា ឆ្នាំ ២០១០ ។មូលហេតុដែលធ្វើឲ្យ មានការលែងលះដោយសារតែនាង Elin Nordegren រកឃើញថា Tiger Woods មានទំនាក់ទំនងជាមួយនឹងស្រីផ្សេងៗជាច្រើន ៕
មតិយោបល់