ភ្នំពេញ៖ នៅក្នុងសេចក្តីប្រកាសព័ត៌មានជូនដំណឹងដល់សាធារណជន គ្រឹះស្ថាន ស្ថាប័ននា នា កាលពីថ្ងៃទី ០៧ ខែមេសា ឆ្នាំ ២០១៤ ធនាគារជាតិ នៃកម្ពុជាបាននិយាយថា ខ្លួនមិន ទទួលស្គាល់ឧបករណ៍ BitCoin និងឧបករណ៍អេឡិកត្រូនិកដែលមានលក្ខណៈប្រហាក់ ប្រហែលជារូបិយប័ណ្ណ ឬជាឧបករណ៍ទូទាត់ស្របច្បាប់នៅកម្ពុជាទេ ។
ធនាគារជាតិ នៃកម្ពុជាយល់ឃើញថា ឧបករណ៍ BitCoin នេះអាចផ្តល់ហានិភ័យ ដល់អ្នកប្រើប្រាស់ និងសង្គមជាតិ ដូចជា ពុំមានគោលការណ៍ការពារអតិថិជន អ្នកប្រើ ប្រាស់អាចប្រើឈ្មោះលួចលាក់ ដើម្បីបើកគណនី BitCoin ពោលគឺមានលក្ខណៈអនាមិក ដែលងាយរង និង Cyber-Crime ដូចជាត្រូវបាន Hacked បំផ្លាញដោយវីរុស ឬលុបដោយចៃ ដន្យ និងជាមធ្យោបាយសម្រាប់ការសម្អាតប្រាក់ ហិរញ្ញប្បទានភេរវកម្ម និងទីផ្សារងងិត ។ ជាងនេះទៅទៀត រហូតមកដល់បច្ចុប្បន្ន ការប្រើប្រាស់ BitCoin នៅបណ្តាប្រទេសផ្សេងៗ នៅមិនទាន់មានការទទួលស្គាល់ និងស្ថិតក្នុងយុត្ថាធិការរបស់ធនាគារកណ្តាលណាមួយ នៅឡើយទេ ៕
ប្រភព៖ AKP
មតិយោបល់