ទឹកដោះម្តាយគឺជាប្រភពនៃអាហាររូបត្ថម្ភដ៏ល្អបំផុត សម្រាប់ការរីកលូតលាស់របស់កុមារ ប៉ុន្តែក្នុងករណីមួយចំនួនអ្នកមិនគួរបំបៅដោះកូននោះទេ ព្រោះវាអាចគំរោមគំហែងដល់សុខភាពទារក។
ម្តាយប្រើថ្នាំ
នៅពេលដែលម្តាយមានរោគសញ្ញាដូចជា គ្រុនក្តៅ ឬផ្តាសាយ គឺត្រូវការប្រើប្រាស់ថ្នាំដើម្បីព្យាបាល ប៉ុន្តែអ្នកមិនគួរបំបៅដោះកូននោះឡើយ។
ម្តាយមានជំងឺរបេងសួត
ជាពិសេសក្នុងអំឡុងពេលមានការអភិវឌ្ឍជំងឺ អ្នកជាម្តាយមិនគួរនៅថែរក្សា ឬបំបោះដោះកូននោះទេ។ ប្រសិនបើមិនជៀសវាងកត្តាទាំងពីរនេះទេ វាអាចប៉ះពាល់ដល់សុខភាពកុមារ។
អ្នកម្តាយមានជំងឺបេះដូង ឬទឹកនោមផ្អែម
ពេលដែលម្តាយមានជំងឺបេះដូង, តំរងនោម, ទឹកនោមផ្អែម ត្រូវទៅជួបគ្រូពេទ្យដើម្បីធ្វើរោគវិនិច្ឆ័យ និងទទួលដំបូលន្មាន ថាតើត្រូវ បំបៅដោះកូនដោយរបៀបណា? ជាធម្មតាម្តាយមិនគួរបំបៅដោះកូននោះទេ គួរតែរកវិធីផ្សេងដើម្បីបំបៅដោះកូនវិញប្រសើរជាង។
អ្នកម្តាយមានជំងឺឆ្កួតជ្រូក
នៅពេលដែលមានការបំបៅដោះកូនក្នុងអំឡុងពេល មានជំងឺឆ្កួតជ្រូក អាចមានគ្រោះថ្នាក់ខ្លាំងណាស់។ លើសពីនេះទៅទៀត នៅក្នុងទឹកដោះរបស់ម្តាយមានសារធាតុដូចជា Luminal, Vilium, សូដ្យូម Phenytion …អាចបណ្តោលឲ្យប្រតិកម្មអវិជ្ជមានដល់កុមារ។
អ្នកម្តាយមានជំងឺរលាកថ្លើម
ជំងឺមួយប្រភេទនេះអាចឆ្លងទៅកុមារបាន តាមរយៈការបំបៅដោះ។ ដូច្នេះហើយអ្នកម្តាយគ្រប់រូបគួរតែផ្អាកការបំបៅដោះកូននៅពេលនេះដើម្បី ជៀសវាងផលប៉ះពាល់ដល់សុខភាពកុមារ។
ម្តាយមានផ្ទុកមេរោគអេដស៍
គណកម្មការជាតិស្តីអំពីជំងឺអេដស៍ និងការពារនៃការរំលោភគ្រឿងញៀន, អំពើពេស្យាកម្ម បានផ្តល់អនុសាសន៍ថា មិនគួរប្រើវិធីបំបៅដោះ ដើម្បីចិញ្ចឹមបីបាច់កូននោះទេ។ បើយោងតាមអ្នកជំនាញបានបន្ថែមថា ក្រៅពីការចិញ្ចឹមកូនដោយទឹកដោះ ស្ត្រីគ្រប់រូបអាចចិញ្ចឹមកូនដោយប្រើ ទឹកដោះគោ, ទឹកផ្លែឈើ, ម្សៅសម្រាប់ទារក ឬបបរ។ ការបំបៅទឹកដោះគោជំនួស គឺជាវិធានការដ៏មានប្រសិទ្ធភាពទាំងស្រុង ក្នុងការដោះស្រាយហានិភ័យនៃការឆ្លងមេរោគអេដស៍ ពីម្តាយទៅកូន។
ម្តាយដែលមានជំងឺដំបៅក្បាលសុដន់
អ្នកម្តាយដែលមានរោគសញ្ញានៃការ រលាកសុដន់ បង្ហាញថាមានជំងឺដំបៅក្បាលសុដន់ ពួកគេគួរតែបញ្ឍប់ការបំបៅដោះកូន។
ប៉ះពាល់ទៅនឹងសារធាតុគីមី ឬថ្នាកសំលាប់សត្វល្អិត
ការប៉ះពាល់សារធតុគីមីអាចធ្វើឲ្យទឹកដោះអ្នកម្តាយមានសារធាតុពុល ហើយអាចធ្វើឲ្យមានបញ្ហាដល់កុមារនៅពេលដែលធ្វើការបំបៅ។ កត្តាដែលល្អបំផុតអ្នកមិនគួរធ្វើអ្វីដែលពាក់ជាមួយនឹងថ្នាំពុល ហើយនៅឲ្យឆ្ងាយពីបរិស្ថានដែលកំពុងតែទទួលរងនូវការបំពុល។
បន្ទាប់ពីការហាត់ប្រាណ
ក្នុងអំឡុងពេលនៃការធ្វើចលនា រាងកាយរបស់អ្នកផលិតអាស៊ីត Lactic និងធ្វើឲ្យអ្នកមានចំណង់អាហារតិចតួច។ បើយោងតាមការធ្វើតេស្តទូទៅនៅក្នុងរបបនៃការហាត់ប្រាណ កម្រិតមធ្យម រាងកាយនៅតែផលិតទឹកអាស៊ីត។ ដូច្នេះមុនពេលអ្នកម្តាយបំបៅដោះកូនត្រូវកំណត់ពេលធ្វើលំហាត់ប្រាណ និងសម្រាកឲ្យបានគ្រប់គ្រាន់ជាមុនសិន៕
មតិយោបល់