កូរ៉េ៖នាយករងនៃវិទ្យាល័យដែលសិស្សបានស្លាប់នៅក្នុងហេតុការណ៍លិចនាវាដឹកសិស្សកូរ៉េខាងត្បូង បានធ្វើអត្តឃាតដោយចងកសម្លាប់ខ្លួនឯងនៅខាងក្រៅកន្លែងហាត់ប្រាណមួយ ដែលជាកន្លែងក្រុមគ្រួសារនៃជនរងគ្រោះស្នាក់នៅ និងប្រមូលផ្ដុំគ្នា។
ប៉ូលិសបាននិយាយថា លោក Kang Min-Gyu វ័យ ៥២ បានបាត់ខ្លួន កាលពីថ្ងៃព្រហស្បតិ៍ និងបានប្រទះឃើញចងកសម្លាប់ខ្លួននៅលើដើមឈើមួយកន្លែងខាងក្រៅអគារហាត់ប្រាណមួយ។ ប៉ូលិសបានបញ្ជាក់ថា ដំណឹងបាត់ខ្លួនរបស់នាយករងម្នាក់នេះ ត្រូវបានរាយការណ៍ដោយគ្រូបង្រៀនម្នាក់ថា លោក Kang Min-Gyu បានបាត់ខ្លួន បន្ទាប់ពីគាត់ត្រូវបានគេជួយសង្គ្រោះ។
នៅមិនទាន់ដឹងពីមូលហេតុនៃការចងកសម្លាប់របស់នាយករងនេះនោះទេ ព្រោះថាលោក Kang Min-Gyu មិនបានបន្សល់ទុកនូវស្នាកស្នាមអ្វីទាំងអស់ ប៉ុន្តែបើតាមការសន្និដ្ឋានជាជំហានដំបូង គឺដោយសារតែលោកត្រូវបានគេជួយសង្គ្រោះឲ្យរស់រានមានជីវិត ចំណែកអ្នកផ្សេងទៀតបានស្លាប់ ដែលជាហេតុធ្វើឲ្យលោកអន់ចិត្ត និងមូលហេតុមួយទៀតគឺដោយសារតែឃើញអាណាព្យាបាលរបស់សិស្សទុក្ខសោកយ៉ាងខ្លាំង ដូច្នេះលោកក៏សម្រេចចិត្តសម្លាប់ខ្លួនឯងតែម្ដង៕
មតិយោបល់