កម្មវិធី World Music Awards នៅឆ្នាំនេះដែរ នឹងធ្វើឡើងនៅ ថ្ងៃទី ២៧ ខែ ឧសភា ឆ្នាំ ២០១៤ ក្នុងទីក្រុង Monte Carlo, Monaco ប្រទេសបារាំង ។
សម្រាប់កម្មវិធីនេះត្រូវបានបែងចែក ផ្នែកដាច់ពីគ្នា ក្នុងនោះមាន World’s Best Male Artist, Best Female, Best Group, Best Electronic Dance Music Artist, Best Entertainer of the Year, Best Live Act, Best Song, Best Album និង Best Video ។ ក៏ប៉ុន្តែអ្វីដែលធ្វើឲ្យយើងចាប់អារម្មណ៍បំផុតនោះគឺ កម្មវិធី “តារាប្រុសដែលល្អជាងគេលើពិភពលោក (World’s Best Male Artist) ” ព្រោះថាកម្មវិធីនេះ មានតារាប្រុសៗ ជាច្រើនដួងលើពិភពលោក ជាពិសេស កំពូលតារាចម្រៀង ព្រាប សុវត្ថិ តែម្តង ត្រូវបានឈរឈ្មោះ ឲ្យអ្នកគាំទ្របោះឆ្នោតតាមរយៈអនឡាញ។ ក្រៅពី ព្រាប សុវត្តិនៅក្នុងតំបន់អាស៊ី នៅមាន PSY Rain និង នាយប៊ឺត ។
ព័ត៌មាននេះដែរ ត្រូវបាន អ្នកគាំទ្រ វិស័យឧស្សាហកម្មកម្សាន្តក្នុងស្រុក ដែលពេញនិយមលេងហ្វេសប៊ុកនោះ បានចែកចាយព័ត៌មាននេះយ៉ាងព្រោងព្រាត ។ ក្នុងនោះ អ្នកខ្លះបានបញ្ចេញមតិថា “វាមិនអាចទៅរួចនោះទេ ក៏ប៉ុន្តែយើងនៅតែបោះឆ្នោតគាំទ្រ ដល់ខ្មែរដូចគ្នា” ។
សូមបញ្ជាក់ផងដែរថា សម្រាប់អ្នកគាំទ្រ តារាចម្រៀង ព្រាប សុវត្ថិ អាច ចុះឈ្មោះ បោះឆ្នោតគាំទ្របាន ដោយចូលទៅកាន់ vote.worldmusicawards.com និងស្វែងរក កំពូលតារាចម្រៀង ព្រាប សុវត្ថិ រួច ចុចលើរូប នោះវានឹងបង្ហាញផ្ទាំងមួយឲ្យចុះឈ្មោះ បោះឆ្នោតគាំទ្រ ៕
មតិយោបល់