កីឡាករ Ryan Giggs ដែលឡើងកូដពី អ្នកលេង មកជាជំនួយការគ្រូបង្វឹក ហើយ​ថ្មីៗនេះដែរ ទើបតែ​ឡើង ​ជា​គ្រូបង្វឹកធំ ដឹកនាំក្លិបបិសាចក្រហម បន្ទាប់ពី David Moyes ត្រូវបាន​​បណ្តេញ​ចេញមុនរដូវកាល ។​
មូលហេតុដែល​ធ្វើ​ឲ្យក្លិប ​បិសាចក្រហម ដេញ David Moyes កៀកចប់រដូវកាលនោះ ដោយសារតែ ​ធ្វើ​ឲ្យប្រវត្តិសាស្ត្រ​ក្លិប បិសាចក្រហមប្រែប្រួល ជាពិសេស ជើងចុងក្រោយ ចាញ់ ក្លិប Everton ២ – ០ និង គម្លាត ពិន្ទុ រហូតដល់ទៅ ១៣ ពិន្ទុ មិនធ្លាប់មានតាំងពី ឆ្នាំ១៩៧០ មកម្លេះ ។

នៅសល់ ៣ ប្រកួត ចុងក្រោយ ក្លិបបិសាចក្រហម ក៏​សម្រេចចិត្ត លើក​បន្តុប កីឡាករ Ryan Giggs ឲ្យធ្វើ​ជាគ្រូបង្វឹក​ ដឹកនាំក្លិប ​ជួសតំណែង David Moyes ហើយជា​​ឱកាស​ដំបូងដែល Ryan Giggs មាន​ឱកាស​ក្លាយជាគ្រូបង្វឹក ​នៅក្លិបបិសាចក្រហម បើសិនជា ៣ ប្រកួតចុងក្រោយ នេះ Ryan Giggs អាច​ដឹកនាំក្លិប ឈ្នះ ទាំងបីប្រកួតនោះ ។​

ប្រកួត លើកទី ១ ដែល Ryan Giggs កាន់ គឺ បិសាចក្រហម ទទួលភ្ញៀវ ចាបលឿង Norwich នៅថ្ងៃទី ២៦ ខែ មេសា ស្អែកនេះ វេលាម៉ោង ១១ និង ៣០ នាទី យប់ ។​
ងាកមកមើល ប្រវត្តិខ្លះៗ របស់ Ryan Giggs គឺចូលប្រឡូក​ក្នុងអាជីពបាល់ទាត់ ជាមួយនឹងក្លិប បិសាចក្រហម ដំបូង គឺលេង​ក្នុងឈុតយុវជន នៅឆ្នាំ ១៩៨៧ ដល់ ១៩៩០ ខណៈដែលលេង ឲ្យ មេឃខៀវ ក្នុងឈុត​យុវជនដូចគ្នា នៅឆ្នាំ ១៩៨៥ រហូតដល់ឆ្នាំ ១៩៨៧ ។ នៅក្នុងឆ្នាំ ១៩៩០ កីឡាករ Ryan Giggs ត្រូវបានជ្រើសរើស​ឲ្យលេង ជាឈុតធំរបស់ បិសាចក្រហម រហូតមកទល់នឹងពេលបច្ចុប្បន្ន ។

សូមបញ្ជាក់ផងដែរថា Ryan Giggs ជួសតំណែង David Moyes ក៏ស្ថិតក្រោមការចង្អុលបង្ហាញសាកល្បង របស់ Sir Alex Ferguson ផងដែរ ខណៈដែលក្លិបកំពុង​សំឡឹងមើល និងស្នើសុំគ្រូបង្វឹកថ្មីមកដឹកនាំក្លិបនៅរដូវកាលក្រោយ​។​
តើ ក្រោមការដឹកនាំ របស់ Ryan Giggs ដែលមាន Sir Alex Ferguson នៅពីក្រោយខ្នង នារាត្រីថ្ងៃទី ២៦ អាចនឹងមានផ្លែផ្កាដែរឬទេ​?​