ស្លឹកម្លូគឺជារុក្ខជាតិមួយប្រភេទដែលចាស់ៗនិយមយកទៅពិសាជាមួយនឹងស្លា ព្រមទាំងកំបោរ ប៉ុន្តែក្រៅពីការបរិភោគស្លឹកម្លូក៏មានគុណសម្បត្តិជាច្រើនទៀតដែលអ្នកមិននឹកស្មានដល់ ហើយសារៈប្រយោជន៏ទាំងអស់នោះមានដូចខាងក្រោម៖
១. ព្យាបាលដំបៅ,មុខមុន
ស្លឹកម្លូ ២ ទៅ ៣ សន្លឹកកាត់ឲ្យតូចៗដាក់ចូលក្នុងកូនពែងមួយ បន្ទាប់មកបង់ក្នុងទឹកក្តៅដាំពុះ(បង់ដូចតែ) រងចាំរយៈពេល ១០ ទៅ ១៥ នាទីដើម្បីឲ្យស្លឹកម្លូចេញពណ៌ល្អ បន្ទាប់មកធ្វើការជូតសម្ហាតលើមុខដំបៅ ឬស្បែកមុខបន្តធ្វើបែបនេះ ២ ទៅ ៣ដងក្នុងមួយថ្ងៃ។ ប្រសិនបើអ្នកប្រើប្រាស់វិធីនេះ ហើយធ្វើឲ្យមុខរបួសរបស់អ្នកមានហៀតទឹកពណ៌លឿងមកអ្នកអាចប្រើមធ្យោបាយមួយទៀត គឺយកក្រដាស់មកដុតឲ្យក្លាយទៅជាផេះ បន្ទាប់មកយករោយពីលើមុខរបួស។ តែប្រសិនដំបៅរបស់អ្នកមានមុខរបួសធំអ្នកមិនត្រូវប្រើទឹកម្លូដែលមានវិធីដូចខាងលើនោះទេ ព្រោះវាធ្វើឲ្យស្បែករបស់អ្នកងាយនឹងប្រតិកម្ម ក៏ប៉ុន្តែអ្នកអាចយកស្លឹកម្លូមកស្ងោរ ហើយត្រូវប្រើឲ្យមានភាពម៉ត់ចត់។
២. ព្យាបាលជំងឺឈឺក្បាលនៅពេលអាកាសធាតុប្រែប្រួល
ប្រើស្លឹកម្លូ ៥ សន្លឹកមកបុកឲ្យម៉ត់ បន្ទាប់មកយកបិទជុំវិញថ្ងាស់ឲ្យពេញវា និងជួយបន្ធូរការឈឺចាប់បាន។ បើយោងតាមឱសថបុរាណ ស្លឹកម្លូគឺមានជាតិហិរនិងហាងសម្រាប់កម្ចាត់មេរោគ, ការរលាកព្រមទាំងជាថ្នាំសម្លាប់មេរោគតេតាណុសថែមទៀត។
៣. ជាថ្នាំសម្រាប់កម្ចាត់មេរោគនៅលើមុខរបួស
ក្នុងពេលដេលអ្នកទទួលរងរបួសអ្នកគួរប្រើស្លឹកម្លូរញីឲ្យទក់ដាក់ចូលក្នុងទឹក បន្ទាប់មកយកទឹកនោះមកលាងសម្អាតមុខរបួសទឹកម្លូនេះអ្នកមិនត្រូវយកវាទៅស្ងោនោះទេអ្នកគួរតែបន្តធ្វើបែបនេះជារៀងរាល់ថ្ងៃក្នុងរយៈពេល ២ ថ្ងៃក្រោយមកអ្នកនឹងបានឃើញមុខរបួសរបស់អ្នក នឹងស្ងួតគ្មានខ្ទុះ និងមេរោគ។
៤. ព្យាបាលជំងឺឈឺបំពងក
នៅពេលដែលអ្នករលាកបំពងក អ្នកអាចប្រើស្លឹកម្លូមកបន្ថែមជាមួយទឹកឃ្មុំញីឲ្យទក់ បន្ទាប់មកលេបចូលយឺតៗ គឺមានប្រសិទ្ធភាពខ្ពស់ក្នុងការជួយកាត់បន្ថយការឈឺចាប់។
៥. ជួយសម្រួលដល់អ្នកម្តាយ បន្ទាប់ពីសម្រាលកូនរួច
បន្ទាប់ពីធ្វើការសម្រាលកូនរួច អ្នកម្តាយទាមទារឲ្យមានទឹកដោះច្រើន ដូច្នេះស្លឹកម្លូអាចជួយឲ្យអ្នកម្តាយមានទឹកដោះគ្រប់គ្រាន់សម្រាប់ទារក ម្យ៉ាងវិញទៀតវាក៏អាចជួយបំបាត់ការឈឺចាប់បានយ៉ាងរហ័សផងដែរ។
៦. ព្យាបាលជំងឺគ្រុនផ្តាសាយ
ប្រើស្លឹកម្លូប្រហែល ៥ សន្លឹកមកដាក់ត្រាំក្នុងស្រា ក៏ប៉ុន្តែអ្នកមិនត្រូវកាត់វានោះទេ គឺគួរតែរក្សារូបរាងដើមឲ្យនៅដដែល។ វាអាចជួយកាត់បន្ថយការឈឺចាប់នៃជំងឺរលាកសន្លាក់, ជួយសម្រួលការឈឺចាប់ក្បាល, និងកាត់បន្ថយមេរោគជំងឺគ្រុនផ្តាសាយ។
៧. កម្ចាត់ក្លិនជើង
ប្រើស្លឹមម្លូ ៥ ក្រាមដាក់ក្នុងទឹកដោយដាំឲ្យពុះ បន្ទាប់មកយកទឹកនោះមកដាក់ត្រាំជើង ឬក៏យកញី និងជើងក៏មានមានប្រសិទ្ធដែល។
៨. ព្យាបាលជំងឺរមាស់ និងការរលាកយោនី
យកស្លឹកម្លូ និងអំបិលបន្តិចមកបន្ថែមក្នុងទឹកក្តៅងូត បន្ទាប់មកទុកទឹកឲ្យត្រជាក់មកលាងសម្អាយលើផ្នែកខាងក្រៅប្រដាប់ភេទរបស់អ្នក វាមានប្រសិទ្ធភាពខ្ពស់លើការរលាក និងរមាស់។
៩. ជួយព្យាបាលជំងឺស្ពឹកសសៃប្រសាទ
ប្រើស្លឹកម្លូមកច្របាច់ជាមួយនិង ទឹកឃ្មុំ ២ ទៅ ៣ ស្លាព្រា បន្ទាប់មកចែកជា ២ ចំណែកទទូលទានបានតែពេលថ្ងៃប៉ុណ្នោះ។
១០. ព្យាបាលជំងឺសួត
ក្នុងពេលដែលអ្នកទទួលរងនូវជំងឺសួតអ្នកអាចប្រើស្លឹកម្លូមកត្រាំក្នុងប្រេងស្ពៃខ្មៅក្តៅឧណ្ឌៗ បន្ទាប់មកដាក់លើទ្រូងរបស់អ្នកអាចជួយកាត់បន្ថយការក្អកព្រមទាំងជួយសម្រួលការដកដង្ហើមរបស់អ្នក។
១១. ព្យាបាលជំងឺទល់លាមកសម្រាប់កុមារ
សម្រាប់ទារកក្នុងករណីទល់លាមក អ្នកម្តាយអាចប្រើស្លឹកម្លូផ្សំជាមួយ និងប្រេងល្ហុងយកមកសុលតាមរន្ធគូទរបស់កុមារ វានិងសម្រួលដល់ពោះវៀនធំរបស់ក្មេង។
១២. ក្លិនក្លៀក
ជាដំបូងអ្នកត្រូវប្រើក្រូចស្រស់ចំនួន ១ ឬ ២ ចំណិតមកជូតសម្អាតជុំវិញបរិវេណក្លៀករបស់អ្នករងចាំរយៈពេល ៥នាទីលាងទឹកឲ្យស្អាត ហើយជូតឲ្យស្ងួត។ ជំហាន បន្ទាប់អ្នកត្រូវលាងស្លឹកម្លូបុកវាឲ្យម៉ត់រួចយកមកលាបលើក្លៀករបស់អ្នករងចាំរយៈពេលមួយរាត្រី សូមលាងសម្អាតនៅពេលព្រឹកដោយប្រុងប្រយត្ន័។ ដើម្បីឲ្យទទួលបានប្រសិទ្ធខ្ពស់អ្នកគួរតែប្រើវិធីនេះចំនួន ២ ទៅ ៣ ដងក្នុងមួយសប្តាហ៏។ វិធីនេះអាចជួយឲ្យក្លៀករបស់អ្នកមានសំណើមព្រមទាំងមានក្លិនស្រស់ថ្លាក្នុងរយៈពេលឆាប់រហ័ស ដោយសារតែក្លិនត្រូវបានកំចាត់ក្នុងពេលមួយដ៏ឆាប់រហ័សវាក៏ងាយ និងត្រឡប់មកវិញដែរ។ អ្នកគួតែអនុវត្តន៏ក្នុងពេលយប់ បន្ទាប់មកយកវាចោលឲ្យឆ្ងាយ៕
មតិយោបល់