បន្ទាយមានជ័យ៖ស្ត្រីមេម៉ាយម្នាក់ ព្រោះតែប្រដៅកូនប្រុសរបស់ខ្លួន កុំសូវដើរលេងមិនស្តាប់ តូចចិត្តបានចង.ក ធ្វើអត្តឃាតដោយយកខ្សែអង្រឹងចង.កសម្លាប់ខ្លួននៅនឹងរ៉ូតផ្ទះរបស់ខ្លួន ។ហេតុការបង្កឲ្យមានការភ្ញាក់ផ្អើលនេះ បានកើតឡើងនៅចន្លោះ ម៉ោង៨ទៅម៉ោង៨និង៣០នាទីយប់ថ្ងៃទី២៩ខែមេសាឆ្នាំ២០១៤ នៅភូមិបន្ទាយមានរិទ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ ។
លោកវរសេនីយ៍ត្រី អ៊ុក សុផាត អធិការនគរបាលស្រុកថ្មពួក បានឲ្យដឹងថា ស្ត្រីចំណាស់ដែល ចង.ក ធ្វើអត្តឃាត ឈ្មោះ ឈួន សារួន អាយុ៦៣ឆ្នាំ នៅភូមិ/ឃុំ ខាងលើ ជាស្ត្រីមេម៉ាយ ។
លោកអធិការបានបន្តថា តាមការស្រាវជ្រាវ និងការបំភ្លឺពីក្រុមគ្រួសារ មុនពេលកើតហេតុ ស្ត្រី ជាម្តាយរូបនេះ បានឃើញកូនប្រុសអាយុរបស់ខ្លួនដើរលេង និងសេពគប់មិត្តភក្ត្រមិនល្អ និងបានឲ្យម៉ូតូទៅមិត្តភក្ត្រខ្ចីជិៈ គាត់បានប្រដៅណែនាំ ជាច្រើនលើក ច្រើនសារតែកូនអក្តញូ ដែលមានឈ្មោះ មឿន ឆាន់អាយុ២១ឆ្នាំ ជាកូនទី៤នេះ មិនដែលស្តាប់នូវការប្រៀនប្រដៅរបស់គាត់ ។
នៅយប់កើតហេតុនោះគាត់ បានប្រដៅណែនាំម្តងទៀតតែកូនប្រុសនេះមិនស្តាប់ ក៏ចូលទៅក្នុងបន្ទប់ ចាក់គន្លឹះទ្វារខាងក្នុងរួច យក ខ្សែ អង្រឹងចងនឹងរ៉ូតផ្ទះសម្លាប់ខ្លួនឯងតែម្តង ។តាមការត្រួតពិនិត្យលើសាកសព ស្ត្រីរូបនេះគឺពិតជាបានធ្វើអត្តឃាតសម្លាប់មែន សាកសពបន្ទាប់ពីត្រួតពិនិត្យ បានប្រគល់ជូនក្រុមគ្រួសារ ចាត់ចែងធ្វើ បុណ្យតាមប្រពៃណី៕
មតិយោបល់