អាល្លឺម៉ង់៖តារាបាល់ទាត់ Robert Lewandowski បាននិយាយទៅកាន់អ្នកគាំទ្រលាហើយ ក្លិប Borussia Dortmund កាលពីថ្ងៃសៅរ៍នេះ បន្ទាប់ពី ខ្សែប្រយុទ្ធសញ្ជាតិប៉ូឡូញ រូបនេះ ប្រកួតលើកចុងក្រោយលើទឹកដីក្លិប Borussia Dortmund មុននឹងផ្លាស់ទៅ កាន់ក្លិប Bayern Munich នៅរដូវកាលក្តៅ។
កីឡាករវ័យ ២៥ ឆ្នាំ បានបរាជ័យក្នុងការស្វែងរកគ្រាប់បាល់ ក្នុងអំឡុងបំបាក់ Hoffenheim ក្នុងលទ្ធផល ៣ – ២ ក៏ប៉ុន្តែត្រូវបានទទួលស្វាគមន៍ដ៏អស្ចារ្យពីអ្នកគាំទ្រ នៅ Westfalenstadion ។
Robert Lewandowski ត្រូវបានគេផ្តល់ផ្កា និងរូបភាពជាច្រើន មុននឹងការប្រកួត ក្នុងក្របខណ្ឌ Bundesliga ចាប់ផ្តើម និងស្រក់ទឹកភ្នែកទៅកាន់អ្នកគាំទ្រ ក្រោយកញ្ជែរផ្លុះបញ្ចប់ ។
ក្នុងការប្រកួត ខាងលើនេះដែរ ក្លិប Borussia Dortmund បានរកគ្រាប់បាល់នាំមុខដំបូងនៅនាទី ទី ៥ និង បញ្ចប់តង់ទី ១ លទ្ធផល ៣ – ១ ។ក៏ប៉ុន្តែនៅតង់ទី ២ ក្លិបទាំងពីរ រកបាន ម្នាក់ ១ គ្រាប់ ដោយលទ្ធផល បញ្ចប់ គឺ ៣ – ២ ។
នៅថ្ងៃទី ១៧ ខែ ឧសភា ក្លិប Borussia Dortmund និង កីឡាករ Robert Lewandowski នឹងលេងជាលើកចុងក្រោយ ដោយជួបជាមួយនឹង Hertha Berlin ៕
នៅខាងក្រោមនេះដែរជាគ្រាប់បាល់ដែល Robert Lewandowski ជួយរកឲ្យ Borussia Dortmund កន្លងមក៖
មតិយោបល់