កំពង់ធំ ៖ ឈ្មួញឈើដុះស្លែរ ខេត្តព្រះវិហារ ដែលជាជំនាញប៉ាវផ្តាច់ផ្លូវជាតិលេខ ៦២ ត្រូវបានសមត្ថកិច្ច ឃាត់រថយន្ត ដឹកឈើ ប្រភេទរថយន្តសាំយ៉ុង ដឹកឆ្លងកាត់ខេត្តកំពង់ធំ ត្រូវលោក សាយ ណូរា ព្រះរាជអាជ្ញារងអមសាលាដំបូងខេត្តកំពង់ធំ ឃាត់រថយន្តកាលពីថ្ងៃទី ២ ខែ ឧសភា ឆ្នាំ ២០១៤ និងបានប្រគល់ រថយន្ត នឹងវត្ថុតាងបញ្ជូនឲ្យផ្នែករដ្ឋបាលព្រៃឈើស្ទោង រក្សាទុក ។
រហូតមកដល់ពេលនេះ ត្រូវបានព្រះរាជអាជ្ញាអមសាលាដំបូងកោះឲ្យឈ្មួញឈើ ដើម្បីឲ្យចួលខ្លួនមកបំភ្លឺ នៅព្រឹកថ្ងៃទី ៥ ខែ ឧសភា ឆ្នាំ ២០១៤ នៅបន្ទប់អាយ្យកា នឹងត្រូវបានសម្រេចឃាត់ខ្លួន ចែរ៉ា តាមការបញ្ជា របស់លោក ព្រះរាជអាជ្ញាអមសាលាដំបូង ខេត្តកំពង់ធំ និងបញ្ជូនមកឲ្យខណ្ទរដ្ឋបាលព្រៃឈើ ចាត់ការ តាម និតិវិធីនៃច្បាប់ ។ ប្រជាពលរដ្ឋ មានសេចក្តីត្រេតអរ ចំពោះព្រះរាជអាជ្ញា ដែលបានបំពេញតាមតួនាទី ដ៏ត្រឹមត្រូវ មិនលំអៀង ដើម្បីលុបបំបាត់ អំពើពុករលួយ ព្រោះកន្លងមក ខេត្តកំពង់ធំ មិនសូវមាននណាម្នាក់ ហ៊ានធ្វើអ្វីនោះទេ ដោយសារ សុទ្ធតែបងប្អូន កូនចៅ សាច់ឈាមគេទាំងអស់ ចំពោះថ្នាក់ដឹកនាំ ក៏សុទ្ធតែកូនក្មួយគេ អញ្ចឹង ហើយបានជា ខេត្តកំពង់ធំ បានក្លាយទៅជា ជម្រុកនៃអំពើពុករលួយ៕
មតិយោបល់