ភ្នំពេញ៖ មានការភ្ងាក់ផ្អើលមួយបានកើតឡើងកាលពីវេលាម៉ោង 1 និង 30 នាទីរំលងអធ្រាតឈានចូលថ្ងៃទី10 ខែឧសភា ឆ្នាំ 2014 នៅចំណុចផ្លូវជាតិលេខ 6 ក្នុងរោងចក្របោកគក់ ស្ថិតក្នុងក្រុមទី 2 ភូមិខ្ទរ សង្កាត់ព្រែកលៀប ខណ្ឌឬស្សីកែវ រាជធានីភ្នំពេញ។ន្ទាប់ពីប្រទេះឃើញសន្តិសុខរបស់ក្រុមហ៊ុនហ្ការ៉ូដាម្នាក់ត្រូវបានកង់ម៉ាស៊ីនម៉ូទ័រចំរោះទឹកស្អាតកិនជាប់កស្លាប់ភ្លាមៗនៅកន្លែងកើតហេតុ។ ជនរងគ្រោះដែលជាសន្តិសុខរបស់ក្រុមហ៊ុនហ្ការ៉ូដា ហើយត្រូវកង់បង្វិលម៉ូទ័រម៉ាសីុនចំរោះទឹកស្អាតកិនស្លាប់នៅកន្លែងកើតហេតុនោះ ឈ្មោះ ម៉ន សុរិយា ភេទប្រុស អាយុ 28 ឆ្នាំមុខរបរសន្តិសុខហ្ការ៉ូដា ស្នាក់នៅភូមិបាក់ខែងលើ សង្កាត់បាក់ខែង ខណ្ឌឬស្សីកែវ រាជធានីភ្នំពេញ។ បើតាមប្រភពព័តមានបានអោយដឹងថា៖ មុនពេលកើតហេតុកាលពីវេលាម៉ោង 3 និង 00 ល្ងាចគេឃើញសន្តិសុខរូបនេះបាននាំគ្នាផឹកស្រានៅផ្ទះលុះដល់ម៉ោង 6 និង 00 នាទីល្ងាចជនរងគ្រោះបានចូលទៅប្រចាំការយាមក្នុងរោងចក្រ(ប្រចាំការវេលាយប់)ដូចរាល់ថ្ងៃលុះវេលាម៉ោង1និង30នាទីរំលងអធ្រាតសន្តិសុខផ្សេងទៀតបានដើរល្បាតនៅក្នុងរោងចក្រស្រាប់តែប្រទេះឃើញជនរងគ្រោះដេកស្លាប់ដោយកង់ម៉ូទ័រម៉ាស៊ីនចំរោះទឹកស្អាតកិនជាប់កក៍មានការភ្ងាក់ផ្អើលតែម្ដងបើតាមការអោយដឹងពីឪពុកជនរងគ្រោះបានអោយដឹងថា៖កូនប្រុសរបស់គាត់ស្រវឹងរាល់ថ្ងៃគ្មានថ្ងៃណាសំរាកមួយ។ ហើយមូលហេតុដែលកូនប្រុសរបស់គាត់ត្រូវកង់ម៉ូទ័រម៉ាស៊ីនចំរោះទឹកស្អាតកិនស្លាប់នោះប្រហែលជាស្រវឹងហើយឡើងទៅដេកលើកន្លែងកើតហេតុបានជាត្រូវជួបគ្រោះថ្នាក់បែបនេះ។ សពជនរងគ្រោះត្រូវបានសាច់ញាតិយកទៅធ្វើបុណ្យតាមប្រពៃណីនៅស្រុកកំណើត៕
ព័ត៌មានជាតិ
មតិយោបល់