កណ្តាល៖កម្មករកម្មការនីចំនួនជាង១៦០០នាក់ នៅក្នុងរោងចក្រហ្គាវ័នក្នុងក្រុងតាខ្មៅ បាននាំគ្នាចូលរួម វគ្គសិក្សាស្តីពីការជន្លៀសខ្លួន នៅពេលមានគ្រោះអគ្គីភ័យកើតឡើងជាយថាហេតុ។
លោក ម៉ៃ សាមិត្ត ប្រធានរដ្ឋបាលរោងចក្រហ្គាវ័នបានមានប្រសាសន៏ថា វគ្គកម្មសិក្សានេះធ្វើ ឡើងជារៀងរាល់ឆ្នាំដើម្បីឲ្យកម្មករ មានការប្រុងប្រយ័ត្ននិងមានចំណេះដឹងមួយចំនួន សម្រាប់ ធ្វើការគេចខ្លួនពីគ្រោះថ្នាក់ នៅពេលមានអគ្គិយភ័យបណ្តាលមកទុស្សេចរន្តអគ្គិសនី កើតឡើងជាយថាហេតុ។
លោកបន្តថារោងចក្រនេះ ពុំដែលកើតមានគ្រោះអគ្គិភ័យនោះទេ ប៉ុន្តែប្រសិនបើកើតឡើងដោយចៃដន្យមែននោះ គឺកម្មករមានចំណេះដឹងមួយចំនួនអាចរត់គេចខ្លួនបាន ដោយសុវត្ថិភាពដោយមិនមានគ្រោះថ្នាក់។ ពោលពេលមានអគ្គីភ័យកើតឡើងភ្នាក់ថារចុចកណ្តឹងរោប្រកាសអាសន្នឲ្យកម្មករបានដឹងខ្លួន ពេលនោះពួកគេធ្វើការជម្លៀសខ្លួនចេញតាមច្រកទ្វារណាដែលនៅជិតខ្លួនបំផុត។ ហើយបើសិនកម្មករមិនបានសិក្សាឆ្លងកាត់វគ្គនេះទេ ពួកគាត់អាចជួបគ្រោះថ្នាក់ដោយប្រការណាមួយ ដោយសារការភ័យស្លន់ស្លោព្រោះមិនបានទប់អារម្មណ៏ ជាមុន។
ឯ.ឧ ហ៊ុន នាង ប្រធានមន្ទីការងារនិងបណ្តុះបណ្តាលវិជ្ជាជីវៈខេត្តកណ្តាល ដែលបានចូលរួមក្នុងកម្មវិធីបណ្តុះបណ្តាលខាងលើ បានមានប្រកាសសាទរ ចំពោះការរៀបចំវគ្គបណ្តុះបណ្តាលខាងលើនេះឡើង។ លោកថាកម្មវិធីបណ្តុះបណ្តាលកម្មករឲ្យចេះរត់គេចខ្លួន ពីគ្រោះអគ្គីភ័យនេះពិតជាមានសារៈសំខាន់ណាស់សម្រាប់កម្មករ ក្នុងការរត់គេចខ្លួនដោយសុវត្ថិភាព។
កម្មការនីម្នាក់ឈ្មោះ អ៊ុក ម៉ាប់ ដែលបានបំរើការងារនៅក្នុងរោងចក្រនេះអស់រយៈពេល២ឆ្នាំ បានសម្តែងក្តីរីករាយ ខណៈដែលរោងចក្រមានភាពទទួលខុសត្រូវចំពោះការងារ និងកម្មករ ដែលតែងរៀបចំវគ្គបណ្តុះបណ្តាល ជាបន្តបន្ទាប់ទាក់ទងនឹងសុវត្ថិភាព និងសុខភាពរបស់កម្មករ។
លោកស្រី ឆា ក្យុងហ៊ី ជនជាតិកូរ៉េជាអគ្គនាយិកាក្រុមហ៊ុន ហ្គាវ័ន អឹភែរឺល មានប្រសាសន៏ថាក្រៅតែពិធីខាងលើ ក្រុមហ៊ុនក៏បានបង្រៀនវគ្គបណ្តុះបណ្តាលស្តីពីជំងឺអេដស៏ ការថែទាំសុខ ភាពរបស់ស្ត្រី។ ហើយដើម្បីផ្តល់ភាពស្និទ្ឋស្នាលរវាងកម្កករនិងនិយោជិក ក្រុមហ៊ុនក៏មានកម្ម វិធីកំសាន្ត រាំច្រៀង ទាញព្រ័ត ក៏ដូចជាការចាប់រង្វាន់លើកទឹកចិត្តផងដែរ៕
មតិយោបល់