ភ្នំពេញៈ ជនសង្ស័យម្នាក់ ត្រូវប៉ូលិសចាប់ឃាត់ខ្លួន ខណៈកំពុងធ្វើសកម្មភាពលក់ថ្នាំញៀនជាក់ស្តែង និងដកហូតថ្នាំញៀនចំនួន២កញ្ចប់ធំ១តូច១ ។

ការបង្ក្រាបនេះបានធ្វើឡើងកាលពីវេលាម៉ោង១០ព្រឹក ថ្ងៃទី១៧ ខែសីហា ឆ្នាំ២០១៧ នៅចំណុចផ្លូវរទេះភ្លើង ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ប៉ូលិសបានឲ្យដឹងថា ជនសង្ស័យមានឈ្មោះ សាយ សាមឿន (ហៅ ម៉ូម ) ភេទប្រុស អាយុ៤៨ឆ្នាំ មុខរបរមិនពិតប្រាកដ និងស្នាក់នៅបន្ទប់ជួលផ្លូវលំ សង្កាត់ទឹកល្អក់១ ខណ្ឌទួលគោក។

ប្រភពពីសមត្ថកិច្ចបានឲ្យដឹងថា មុននឹងឃាត់ខ្លួនជនសង្ស័យខាងលើនេះ គឺសមត្ថកិច្ចជំនាញស្រាវជ្រាវហើយកំណត់មុខសញ្ញាបានជាក់ស្តែង ទើបឈានដល់ការឃាត់ខ្លួននិងដកហូតវត្ថតាងថ្នាំញៀនចំនួន២កញ្ចក់ធំ១តូច១តែម្តង។

បច្ចុប្បន្នជនសង្ស័យកំពុងធ្វើការឃាត់ខ្លួននិងសាកសួរនៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងបញ្ជួនទៅតុលាកាចាត់ការបន្តតាមផ្លូវច្បាប់៕