ភ្នំពេញ៖ បុរសម្នាក់បានរងបួសធ្ងន់ត្រូវបានដឹកទៅសង្គ្រោះភ្លាមខណៈដែលរួបគេជិះម៉ូតូក្នុងល្បឿនលឿនជ្រុលបុកគួទរថយន្តស៊ីលីកាពីក្រោយសង្ស័យជារឿងគំនំ កាលពីវេលាម៉ោង២និង៣០នាទីឈានចូលថ្ងៃទី១៦ខែឧសភា ឆ្នាំ២០១៤ នៅចំណុចមុខហាងប៊ីប៊ីវើល តាមបណ្ដោយផ្លូវព្រះមុនីវង្ស ស្ថតិក្នុងសង្កាត់ចតុមុខ ខណ្ឌដូនពេញ។
តាមសាក្សីនៅកន្លែងកើតហេតុបានដឹងថា មុនពេលកើតហេតុគេបានឃើញរថយន្តស៊ីលីកា ពណ៌ស ពាក់ស្លាកលេខព្រះសីហនុ 2A-3766 ធ្វើដំណើរតាមបណ្ដោយផ្លូវព្រះមុនីវង្ស ក្នុងទិសដៅពីត្បូងទៅជើងលុះមកដល់ចំណូចកើតហេតុរថយន្តបានចាប់ហ្វាំងហើយត្រូវបានម៉ូតូម៉ាក TBR ពណ៌ក្រហម លាយខ្មៅគ្នាស្លាកលេខធ្វើដំណើរស្របទិសគ្នាបានបុកពីក្រោយពេញទំហឹងបណ្ដាលឲ្យអ្នកជិះម៉ូតូរងរបួសធ្ងន់ត្រូវបានដឹកទៅសង្គ្រោះភ្លាមៗ។
ក្រោយពេញកើតហេតុសមត្ថកិច្ចចុះមកដល់ចំណុចកើតហេតុធ្វើការវាស់វែងយកទៅរក្សទុកនៅការិយាល័យចរាចរណ៍ជើងគោកដើម្បីរងចាំដោះស្រាយពេលក្រោយ៕
មតិយោបល់