គេហទំព័រផ្ដល់សេវាកម្មវីដេអូជាច្រើននៅក្នុងប្រទេសចិន បានបង្ហោះនូវវីដេអូអាសអាភាស និងបានបង្វក់អារម្មណ៍របស់អ្នកទស្សនា។ នេះបើយោងតាមភ្នាក់ងារព័ត៌មានរដ្ឋរបស់ចិនបានឲ្យដឹងកាលពីថ្ងៃព្រហស្បតិ៍ម្សិលមិញ។
សារព័ត៌មានរដ្ឋរបស់ចិនបានឲ្យដឹងថា មានវីដេអូអាសអាភាសជាង ៣.០០០ ត្រូវបានរកឃើញនៅលើគេហទំព័រ Qvod.com កាលពីចុងឆ្នាំ ២០១៣ ហើយនៅពេលបច្ចុប្បន្ននេះ មានគេហទំព័រកើតថ្មីជាច្រើនបានយកតម្រាបតាម ជាពិសេសគឺពោរពេញដោយវីដេអូសិចតែម្ដង។
កាលពីខែមេសា កន្លងទៅនេះរដ្ឋាភិបាលចិនបានប្រកាសឲ្យដឹងថា ខ្លួនបានបិទគេហទំព័រអាសអាភាសជាង ១០០ និងបានបិទគណនីមួយចំនួន ដែលពាក់ព័ន្ធនឹងរឿងអាសអាភាស។
ក្រុមហ៊ុនដែលត្រូវបានរកឃើញថា បានបង្ហោះវីដេអូអាសអាភាសនៅលើគេហទំព័ររបស់ខ្លួន និងត្រូវបង់ពិន័យជាងទឹកប្រាក់ចំនួន ៨១៥.០០០ដុល្លារអាមេរិក៕
មតិយោបល់