ភ្នំពេញ ៖ បុរស៤នាក់កំពុងអង្គុយផឹកស៊ីនៅចំណុចស្ពាននាគវត្តភ្នំត្រូវជនមិនស្គាល់មុខជិះម៉ូតូ៣គ្រឿងមានគ្នា៤ទៅ៥នាក់បានចុះមកវាយបណ្ដាលអោយបែកក្បាលរួចថែមទាំងយកកាំភ្លើងភ្ជង់គំរាមបាញ់ថែមទៀតដោយមិនដឹងមូលហេតុ។
ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់ថ្ងៃទី២០ខែឧសភាឆ្នាំ២០១៤ តាមបណ្ដោយផ្លូវព្រះនរោត្ដមកែងផ្លូវលេខ១១៤ មុខមន្ទីរពេទ្យ ព្រះអង្គឌួង ស្ថិតក្នុងសង្កាត់ផ្សារថ្មី២ ខណ្ឌដូនពេញ។ ហេតុការណ៍ខាងលើនេះត្រូវប្រភពព័ត៌មានប្រាប់ពីមូលហេតុបានអោយដឹងថា គេបានឃើញបុរស៤នាក់អង្គុយផឹកស៊ីនៅក្បែរស្ពាននាគវត្តភ្នំហើយបានស្រែកឡូឡាយ៉ាងអាណាធិបតេយ្យ ខណៈនោះផងដែរស្រាប់តែលេចមុខបុរស៤ទៅ៥នាក់បានជិះម៉ូតូ៣គ្រឿងសុទ្ធតែស៊េរីទំនើបមកឈប់ហើយស្ទុះមកវាយចំពោះបុរសដែលអង្គុយផឹកស៊ីស្រែកឡូឡានោះបណ្ដាលអោយបុរសម្នាក់បែកក្បាលហូរឈាមនិងផ្សេងទៀតរងរបួស ហើយជនមិនស្គាល់មុខទាំងនោះថែមទាំងមានកាំភ្លើងដកភ្ជង់គំរាមបាញ់ទៅលើក្រុមបុរសទាំងនោះទៀតផង។ភ្លាមៗនោះក្រោយពីមានការវាយតប់គ្នាហើយក៏ភាគីខាងបង្កឡើងជិះម៉ូតូគេចខ្លួនទៅបាត់ស្រមោលអស់តែម្ដង។
បន្ទាប់ពីកើតហេតុប្រហែលជិតកន្លះម៉ោងសមត្ថកិច្ចនគរបាលខណ្ឌដូនពេញបានចុះអន្តរាគមន៍មកដល់កន្លែងកើតហេតុក៏បានធ្វើការសួរនាំពីមូលហេតុខាងលើនេះទើបដឹងថា ប្រហែលជាបុរស៤នាក់ដែលជិះម៉ូតូ៣គ្រឿងខាងលើខឹងមួរម៉ៅនិងបុរសដែលនាំគ្នាអង្គុយផឹកស៊ីស្រែកឡូឡាផ្អើលគេផ្អើលឯងទើបទ្រាំមិនបានក៏មកបញ្ចេញកំហឹងដាក់ទៅលើពួកបុរសខាងលើនេះតែម្ដង។យ៉ាងណាមិញបុរសដែលត្រូវគេវាយរងរបួសបែកក្បាលខាងលើនេះមិនបានទៅដាក់ពាក្យប្ដឹងទៅសមត្ថកិច្ចឡើយគ្រាន់តែចង់ដឹងថាហេតុអ្វីបានជាពួកគេត្រូវគេវាយដោយមិនដឹងមូលហេតុបែបនេះ។
ក្រោយកើតហេតុបុរសដែលរងរបួសខាងលើនាំគ្នាទៅមន្ទីរពេទ្យដោយខ្លួនឯងព្រោះមិនចង់រំខានដល់សមត្ថកិច្ចអោយមានរឿងវែងឆ្ងាយទល់តែទៀត៕
មតិយោបល់