ភ្នំពេញ ៖ ហេតុការណ៍ភ្ញាក់ផ្អើលមួយបានកើតឡើងខណៈដែរយុវជន៤នាក់ចេញពីកន្លែងផឹកស៊ីមួយកន្លែងហើយទាស់ពាក្យសម្ដីគ្នាយ៉ាងខ្លាំងក៏បង្កអោយកើតមានហិង្សាដាក់គ្នាទៅវិញទៅមកធ្វើអោយរងរបួសរៀងៗខ្លួន កាលពីវេលាម៉ោង៨និង៤០ នាទីយប់ថ្ងៃទី២០ខែឧសភាឆ្នាំ២០១៤ នៅត្រង់ចំណុចក្បែរប៉ុស្ដិ៍នគរបា លមិត្តភាព តាមបណ្ដោយផ្លូវលេខ១៣៩ ក្នុងសង្កាត់មិត្តភាព ខណ្ឌ៧មករា។
យោងតាមប្រភពព័ត៌មានពីអ្នកដែលរងរបួសបែកក្បាលក្នុងហេតុការណ៍នេះបានអោយដឹងថា រូបគេព្រមទាំងមិត្តភ័ក្តិម្នាក់បាននាំគ្នាចូលទៅផឹកស៊ីនៅក្នុងភោជនីយដ្ឋានមួយមិនចាំឈ្មោះហើយខណៈនោះ ដោយមានយុវជន២នាក់អង្គុយផឹកស៊ីក្បែរនោះដែរ ក៏មានការឌឺដងពាក្យសម្ដីគ្នាទៅវិញទៅមកតែពួកគេមិនបានបង្កហិង្សានៅក្នុងភោជនីយដ្ឋាននោះឡើយ ហើយក៏ងើបចេញពីក្នុងហាងរៀងៗខ្លួន ក៏ប៉ុន្តែភាគីទាំងសងខាងនៅតែមិនទាន់អស់ ចិត្តក៏ជិះម៉ូតូដេញតាមគ្នាមកដល់ចំណុចក្បែរមុខប៉ុស្ដិ៍មិត្តភាពក៏បានឈប់ជជែកគ្នាមួយសន្ទុះក៏ធ្វើអោយកើតមានហិង្សាវាយតប់គ្នាទៅវិញទៅមកបណ្ដាលធ្វើអោយមានអ្នករងរបួសរៀងៗខ្លួន ភាគីម្ខាងបានរត់គេចបាត់នៅសល់ភាគីម្ខាងទៀតទៅដាក់ពាក្យបណ្ដឹងនៅប៉ុស្ដិ៍នគរបាលមិត្តភាព។
បន្ទាប់ពីកើតហេតុសមត្ថកិច្ចក៏នាំខ្លួនជនរងគ្រោះអោយទៅដាក់ពាក្យបណ្ដឹងនៅប៉ុស្ដិ៍នគរបាលមិត្តភាពដើម្បីសួរពីមូលហេតុផ្ដើមសាច់រឿងនេះផងដែរ៕
មតិយោបល់