អេស្ប៉ាញ៖កីឡាករ Gareth Bale បានធ្វើការសរសើរ ទៅកីឡាករ Cristiano Ronaldo និងគាំទ្រសម្រាប់កីឡាកររូបនេះ តាំងពីចូលរួមលេង ឲ្យក្លិប Real Madrid ខណៈដែលក្លិបកំពុងត្រៀមខ្លួន សម្រាប់វគ្គផ្តាច់ព្រ័ត្រ ក្នុងក្របខណ្ឌ Champions League ដោយប្រឆាំងជាមួយនឹង Atletico ។
កីឡាករ Bale មានតម្លៃខ្លួនលើកីឡាករ Ronaldo និងជាកីឡាករថ្លៃខ្លួនខ្ពស់បំផុត នៅពេលដែលគាត់បានចូលលេងឲ្យ Los Blancos កាលពីរដូវកាលមុន ក្នុងតម្លៃ ៨៥ លានផោន ។
ចាប់តាំងពី Bale មកដល់ទីលាន អធិរាជស កីឡាករសញ្ជាតិវែលរូបនេះ មិនដែលមានពាក្យសរសើរលើកីឡាករ Ronaldo ឡើយ ។ក៏ប៉ុន្តែពេលនេះ ស្រាប់តែ Bale បានបញ្ជោរ Ronaldo ជាមួយនឹងពានរង្វាន់ 2013 Ballon d’Or ដែលបញ្ជាក់ពីគុណភាពលេងរបស់គាត់នៅលើទីលាន ។
គាត់បានប្រាប់ Daily Mail ថា “កីឡាករ Ronaldo ខ្ញុំគាំទ្រយ៉ាងខ្លាំង ដោយថ្ងៃដំបូងដែលមកលេងនៅទីនេះ ដោយគាត់បានឲ្យដំបូន្មានមកខ្ញុំ ដើម្បីលេងនៅលើទីលាន” ។ ក្នុងនោះដែរយើងបាននិយាយគ្នាជាច្រើន និងមានទំនាក់ទំនងល្អ រវាងគ្នា និងគ្នា និងរៀនពីយុទ្ធសាស្ត្រវាយប្រហារដ៏ខ្លាំងក្លាពីគាត់ ដែលនេះជាឱកាសមួយ ដើម្បីក្លាយខ្លួនជាកីឡាករល្អនៅលើពិភពលោក ។ Bale បានបន្តទៀតថា Ronaldo គឺជាកីឡាករល្អបំផុត នៅលើពិភពលោក ជាពិសេសជួយឲ្យ Real Madrid ឈរឈ្មោះ ល្បីបានយូរ និងតៀមខ្លួនលើកពាន Champions League ផងដែរ៕
មតិយោបល់