ក្រុមហ៊ុនផលិតរថយន្ត General Motors (GM)បានប្រកាសប្រមូលរថយន្ត ប្រមាណជា ២១៨.០០០គ្រឿង បន្ទាប់ពីរកឃើញមានបញ្ហា ដែលកាលប្រមូលនេះត្រូវបានធ្វើឡើងបន្ទាប់ពីការប្រមូល ១៥លានគ្រឿងនៅជុំវិញពិភពលោក និង ២,៤លានគ្រឿងកាលពីថ្ងៃអង្គារកន្លងទៅ។
នៅថ្ងៃពុធនេះ ក្រុមហ៊ុន GM បានឲ្យដឹងថា ត្រូវប្រមូលរថយន្តម៉ូដែល Aveo របស់ក្រុមហ៊ុន Chevrolet ដែលត្រូវជាបុត្រសម្ព័ន្ធរបស់ខ្លួន ចំនួន ២១៨.០០០គ្រឿង ដោយសារតែរថយន្តទាំងនោះកើតមានបញ្ហា ដែលអាចបង្កឲ្យកើតមានហានិភ័យនៃកម្ដៅ និងអគ្គីភ័យ។
រថយន្តម៉ូដែល Chevrolet Aveo ដែលត្រូវប្រមូលនេះ ត្រូវបានផលិតឡើងនៅចម្លោះឆ្នាំ ២០០៤ និង ២០០៨ ដោយក្នុងនោះភាគច្រើនលក់នៅសហរដ្ឋអាមេរិក។
ឆ្នាំនេះអាចនិយាយបានថា ជាឆ្នាំមិនល្អសម្រាប់ GM ដោយសារតែក្រុមហ៊ុនមួយនេះបានកើតមាននូវបញ្ហាជាច្រើន ជាពិសេសគឺរឿងប្រមូលរថយន្ត ដោយនៅក្នុងនោះក៏មានករណីស្លាប់មនុស្ស ១៣នាក់ផងដែរ៕
មតិយោបល់