ក្រុមហ៊ុនផលិតរថយន្ត Toyota Motor បានប្រកាសប្រមូលរថយន្តម៉ូដែល Sienna ស៊េរីឆ្នាំ ២០០៤-២០១១ ចំនួន ៣៧០.០០០គ្រឿង ដោយសារតែបញ្ហាសំបកកង និងម៉ូដែល Lexus GS 350 ស៊េរីឆ្នាំ ២០១៣ ចំនួន ១០.៥០០គ្រឿង បញ្ហាហ្វ្រាំង។
ក្រុមហ៊ុនបានបញ្ជាក់ថា រថយន្តម៉ូដែល Sienna នោះចេះតែមានបញ្ហាទៅលើសំបកកង់ដែលដាក់ភ្ជាប់នៅពីក្រោមរថយន្តសម្រាប់ផ្លាស់ប្ដូរ ចំណែករថយន្តម៉ូដែល Lexus GS 350 ស៊េរីឆ្នាំ ២០១៣ វិញចេះតែចាប់ហ្វ្រាំងដោយខ្លួនឯង ហើយវាមិនលោតភ្លើងបង្ហាញប្រាប់ដល់រថយន្តដែលបើកពីក្រោយ។
សម្រាប់បញ្ហាទាំងពីរនេះ ត្រូវបានក្រុមហ៊ុនអះអាងថា ពុំមានបង្កើតជាគ្រោះថ្នាក់ រងរបួស ឬស្លាប់នរណាម្នាក់ឡើយ។ កាលពីខែមេសា ឆ្នាំ ២០១០ ក្រុមហ៊ុន Toyota ក៏បានប្រកាសប្រមូលរថយន្តដឹកទំនិញដែលផលិតឡើងនៅចន្លោះឆ្នាំ ២០០៤-២០១០ ក្នុងករណីដូចគ្នានេះផងដែរ៕
មតិយោបល់