ភ្នំពេញ ៖ រថយន្តកាមរីបាឡែនមួយគ្រឿងបើកឆ្លងផ្លូវទៅបុកជាមួយនិងម៉ូតូម៉ាកហុងដាឌ្រីម បណ្តាលឱ្យអ្នកបើកម៉ូតូបាក់ជើងម្ខាងរងរបួសធ្ងន់កាលពីវេលាម៉ោង ៧និង៤៥នាទី យប់ថ្ងៃ ទី២៥ ឧសភា ២០១៤ នៅចំណុចស្តុបអង់តែនទួលគោក តាមផ្លូវ២៧៣ ស្ថិតក្នុងទួលសង្កែ ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុ គេឃើញម៉ូតូហុងដាឌ្រីមបើកដោយបុរសម្នាក់តាមផ្លូវ២៧៣ក្នុងទិសដៅពីកើតទៅលិច ស្រាប់តែមកដល់ចំណុចកើតហេតុក៏ត្រូវបានរថយន្តកាម៉ារីឆ្លាមពណ៌ស្ករ ពាក់ស្លាកលេខភ្នំពេញ 2D-4780 បើកឆ្លងផ្លូវពីត្បូងទៅជើងបុក បណ្តាលឱ្យអ្នកជិះម៉ូរងរបូសធ្ងន់។
ក្រោយពេលកើតហេតុជនរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យចំណែកម៉ូតូនិងរថយន្តបង្កបន្ទាប់ពីសមត្ថកិច្ចធ្វើការវាសវែងរួចក៏បញ្ជូនទៅរក្សាទុកនៅអធិការដ្ឋាននគរបាលខណ្ឌឬស្សីកែវ រងចាំដោះស្រាយគ្នាតាមផ្លូវច្បាប់ ៕
មតិយោបល់