ភ្នំពេញ ៖ រថយន្ត២គ្រឿងដែលបើកបរខ្វះការអាធ្យាស្រ័យអោយគ្នាទៅវិញទៅមកក៏បានបុកគ្នានៅចំណុចស្ពាននាគកោះពេជ្រធ្វើអោយរងការខូចខាតទាំងសងខាង កាលពីវេលាម៉ោង១០និង២០នាទីយប់ថ្ងៃទី២៤ខែឧសភាឆ្នាំ២០១៤ ស្ថិតក្នុងសង្កាតចតុមុខ ខណ្ឌដូនពេញ។
ហេតុការណ៍ខាងលើនេះប្រភពព័ត៌មានបានអោយដឹងថា នៅមុនពេលកើតហេតុគេសង្កេតឃើញរថយន្តមួយគ្រឿងម៉ាកកាមរី ស៊េរីឆ្នាំ៩៥ ពណ៌ខ្មៅ ពាក់ស្លាកលេខ ភ្នំពេញ 2C-2395 ដែលរួមដំណើរលក្ខណៈជាគ្រួសារ បានធ្វើដំណើរចុះពីលើស្ពាននាគកោះពេជ្រ ពីទិសដៅកើតទៅលិច ដោយខណៈមកដល់ចំណុចផ្លូវបែកជាបួនក៏ស្រាប់តែមានរថយន្តវីហ្គោមួយគ្រឿង ពណ៌ស្ករ ពាក់ស្លាកលេខ បាត់ដំបង 2A-5979 ដែលបើកបរដោយបុរសម្នាក់ក្នុងល្បឿនលឿន ពីទិសដៅពីជើងទៅត្បូងដោយមិនព្រមបន្ថយល្បឿននោះក៏ជ្រុលទៅបុកនិងរថយន្តកាមរី ចំមួយជំហៀងផ្នែកខាងមុខបណ្ដាលអោយរថយន្តទាំងគៀបជាប់គ្នារងការខូចខាតទាំងសងខាង។
បន្ទាប់ពីកើតហេតុម្ចាស់រថយន្តវីហ្គោបានចុះមកស្រែកឡូឡាអោយម្ចាស់រថយន្តកាមរីចេញថ្លៃខូចខាតអោយគេមិនដូច្នោះទេគេនិងអោយសមត្ថកិច្ចធ្វើការទៅតាមផ្លូវច្បាប់។ក្រោយកើតសមត្ថកិច្ចជំនាញចរាចរបានចុះមកវាស់វែងយករថយន្តទាំង២គ្រឿងនេះទៅរក្សាទុកនៅការិយាល័យចរាចរជើងគោកនៃស្នងការដ្ឋាននគរបាលរាជធានីភ្នំពេញដើម្បីដោះស្រាយគ្នានៅពេលក្រោយ៕
មតិយោបល់