ភ្នំពេញ ៖ បុរសម្នាក់ជិះម៉ូតូមួយគ្រឿងម៉ាកស៊ុយស៊ូគីវីវ៉ា ពណ៌ខ្មៅ ពាក់ស្លាកលេខ ភ្នំពេញ 1BB-2124 ធ្វើដំណើរតាមបណ្ដោយផ្លូវព្រះសីហនុ ទិសដៅពីកើតទៅលិច ក្នុងល្បឿនលឿនរេពេញ ខណៈមកចំណុចមុខវត្តមហាមន្ត្រីក្នុងសង្កាត់អូរឡាំពិក ខណ្ឌចំការមន ដោយសារស្រវឹងស្រាខ្លាំងពេកពេលដែលកំពុងជិះលឿននោះក៏បានចាប់ហ្វ្រាំងខាងមុខទាំងបង្ខំបណ្ដាលអោយដួលបោកផ្ទប់និងថ្នល់រងរបួសបែកក្បាលហូរឈាមសន្លប់ស្ដូកស្ដឹង ហើយត្រូវបានរថយន្តសាមុយរបស់មន្ទីរពេទ្យឯកជនដឹកយកទៅសង្គ្រោះភ្លាមៗ។
ហេតុការណ៍នេះបានកើតឡើងកាលពីវេលាម៉ោង១០និង៥០នាទីយប់ថ្ងៃទី២៥ខែឧសភាឆ្នាំ២០១៤ ស្ថិតក្នុងសង្កាត់អូរឡាំពិក ខណ្ឌចំការមន។
បន្ទាប់ពីកើតហេតុសមត្ថកិច្ចបានយកម៉ូតូទៅរក្សាទុកនៅប៉ុស្ដិ៍នគរបាលអូរឡាំពិក រង់ចាំបងប្អូនជនរងគ្រោះមកទទួលយកវិញ៕
មតិយោបល់