សៀមរាប : ជនសង្ស័យប្រុសស្រីទាំង៤នាក់នេះត្រូវបានកម្លាំងកងរាជអាវុធហត្ថខេត្តសៀមរាបចុះប្រតិបត្តិការណ៍ធ្វើការតាមដានស្រាវជ្រាវនិងឈានដល់ការចាប់ឃាត់ខ្លួនបានជាបន្តបន្ទាប់កាលពីថ្ងៃទី២៥ខែឩសភាឆ្នាំ២០១៤កន្លងទៅនៅក្នុងផ្ទះជួលស្ថិតនៅក្នុងភូមិ មណ្ឌល ១ សង្កាត់ស្វាយដង្គំ ក្រុងសៀមរាប ។
លោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌ដែលបានដឹកនាំកម្លាំងចុះប្រតិបត្តិការណ៍បានមានប្រសាសន៍ឲ្យដឹងថា ដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់ ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណះបញ្ជាការឯកភាពខេត្ត និង ឯ.ឩ ឧត្តមសេនីយ៌ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់ថ្វេរដងផងនោះ។ជាក់ស្តែងជនសង្ស័យប្រុសស្រីទាំង៤នាក់នេះត្រូវបានកម្លាំងកងរាជអាវុធហត្ថខេត្តសៀមរាបធ្វើការចាប់ឃាត់ខ្លួនបានព្រមទាំងវត្ថុតាងរួមមាន ម៉ូតូសង់ ពណ៍ខ្មៅ សេរីឆ្នាំ២០១៣មួយគ្រឿងដែលជនសង្ស័យបានធ្វើសកម្មភាពលួចពីជនរងគ្រោះដោយមិនទាន់ស្គាល់អត្តសញ្ញាណជនរងគ្រោះ កាំភ្លើងខ្លី ១ ដើម មានគ្រាប់ចំនួន ៦គ្រាប់ និងថ្នាំញៀនប្រភេទម៉ាទឹកកក ១០១,៤៥ក្រាម គិតជាលុយ៦ពាន់៤រយ ដុល្លាសហរដ្ឋអាមេរិក ។
លោកវរសេនីយ៌ឯក ស្រី យូរ៉ា បានបន្តឲ្យអ្នកយកព័ត៍មានយើងដឹងទៀតថា បន្ទាប់ពីកម្លាំងកងរាជអាវុធហត្ថបានធ្វើការចាប់ឃាត់ខ្លួននិងប្រមូលបាននូវវត្ថុតាំងទាំងអស់នេះហើយកាលពីថ្ងៃទី២៥មកដល់ថ្ងៃទី២៦ខែឩសភានេះជនសង្ស័យបានឆ្លើយសារភាពថាពួកគេពិតជាបានប្រព្រឹត្តនូវករណីទាំងអស់ខាងលើពិតប្រាកដមែន ។ ដោយ សមត្ថកិច្ចកងរាជអាវុធហត្ថខេត្តសៀមរាបបានបញ្ជាក់ថាជនសង្ស័យភេទប្រុសចំនួន៣នាក់នេះគឺធ្លាប់ជាប់ព័ន្ធធានាគារម្នាក់ម្តងរួចមកក្នុងករណីផ្រេងៗពីគ្នាដែលទើបនិងចេញពីព័ន្ធធានាគារហើយបានមកធើ្វសកម្មភាពរក្សាទុកដឹកជញ្ជូនឫជួញដូរដោយខុសច្បាប់នូវសារធាតុញៀនក្នុងខេត្តសៀមរាបក៏ត្រូវបានកម្លាំងកងរាជអាវុធហត្ថខេត្តចាប់ឃាត់ម្តងទៀត ។ បច្ចុប្បន្នជនសង្ស័យ និងវត្ថុតាងត្រូវបានកងរាជអាវុធហត្ថខេត្តសៀមរាប កសាងសុំណុំរឿងនិងបញ្ជូនទៅកាន់សាលាដំបូងខេត្តហើយកាលពីព្រឹកថ្ងៃទី២៦ខែឩសភា នេះដើម្បីចំណាត់ការទៅតាមនិតិវិធីជាបន្ត ៕
https://i1272.photobucket.com/albums/y389/domneng/3D%20Gun/Drug1_zpsb8f08967.png
https://i1272.photobucket.com/albums/y389/domneng/3D%20Gun/Drug2_zps82eb0155.png
មតិយោបល់