ភ្នំពេញ៖គម្រោងសាងសងស្ពានអ្នកលឿង ដែលជាស្ពានវែងជាងគេនៅក្នុងស្រុកខ្មែរដោយបណ្តោយ ២២១០ម៉ែត្រ, ទទឹង១៣,៥ម៉ែត្រ, និងកម្ពស់៣៧,៥ម៉ែត្រនឹងត្រូវបញ្ចប់នៅក្នុងឆ្នាំ ២០១៥ ហើយក៏ជាតម្រូវការមួយដែលអ្នករស់នៅក្នុងខេត្តព្រៃវែង និងស្វាយរៀងត្រូវការផងដែរ ព្រោះថា នៅរាល់ពេលមានបុណ្យទានម្ដងៗ ពួកគាត់ពិបាកក្នុងការធ្វើដំណើរ ដោយសារតែស្ទះនៅត្រង់កំពង់ចម្លងអ្នកលឿង។
ខណៈពេលដែល ស្ពានវែងជាងគេមួយនេះ កំពុងតែសាងសង ខាងក្រសួងសាធារណការ និងដឹកជញ្ជូន បានបង្កើតនូវវីដេអូមួយ ផ្ដិតយកទិដ្ឋភាពនៃការសាងសងស្ពានអ្នកលឿង ហើយតាមរយៈវីដេអូនេះ បានបង្ហាញថា នៅគល់ស្ពានត្រើយខាងលិច បានស្ថាបនាជិតរួចរាល់ហើយ ដោយឡែកនៅត្រើយខាងកើត កំពុងតែសាងសង និងបញ្ចប់ជាស្ថាពរនៅពេលខាងមុខដ៏ខ្លី ដោយការជ្រុំជ្រែងយកចិត្តទុកដាក់ពីសំណាក់រដ្ឋាភិបាលនាពេលបច្ចុប្បន្ន។
បញ្ជាក់ផងដែរថា ស្ពានអ្នកលឿងដែលចំណាយលុយក្នុងការសាងសងអស់ទឹកប្រាក់ចំនួន ១៣១លានដុល្លារ ក្រោមជំនួយឥតសំណងរបស់រដ្ឋាភិបាលជប៉ុន៕
ទស្សនាវីដេអូខាងក្រោមទាំងអស់គ្នា៖
មតិយោបល់