Solar Impulse ជាយន្តហោះមួយដំណើរការដោយថាមពលព្រះអាទិត្យ ជួយការពារបរិស្ថានខ្លាំងបំផុតក្នុងចំណោមយន្តហោះទាំងឡាយ អាចធ្វើការហោះហើរបានក្នុងរយៈពេល៥ថ្ងៃ និង៥យប់ ដោយប្រើថាមពលព្រះអាទិត្យសុទ្ធ។
វាមានទំហំស្រដៀងនឹងយន្តហោះ Airbus A380 ប៉ុន្តែយន្តហោះនេះមានទម្ងន់ត្រឹមតែ២.៣០០គីឡូក្រាមប៉ុណ្ណោះ បើធៀបយន្តហោះនេះ មានទម្ងន់ស្រាលជាងយន្តហោះ Airbus ដល់ទៅ ១៥០ដង។ ការសាកល្បងលើកដំបូង វាអាចហោះហើរពីទ្វីបអឺរ៉ុបរហូតដល់ប្រទេសម៉ារ៉ុក បន្ទាប់មកកាលពីខែឧសភា កន្លងមកនេះ វាហោះទៅដល់សហរដ្ឋអាមេរិក ។
យន្តហោះនេះតាមពិតទៅមានស្លាបទាំង ២វែងបំផុត ហើយភាពសុក្រិតរបស់វា គឺការហោះហើរដោយពុំចាំបាច់ចុះសំចតបានរយៈពេលដល់ទៅ ២៦ម៉ោង។
អ្នកផ្តួចផ្តើមគំនិតបង្កើតយន្តហោះប្រើថាមពលពន្លឺព្រះអាទិត្យ គឺលោក Andre Borsehberg និង លោក Bertrand Piccard បានបញ្ជាទិញយន្តហោះ Solar Impulse-1 ។បុរសទាំង២នាក់នេះ ម្នាក់ជាអតីតអ្នកបើកយន្តហោះ ហើយម្នាក់ទៀតជាមនុស្សដំបូងគេដែលអាចធ្វើដំណើរជុំវិញផែនដី ដោយបាល់ឡុងហោះនោះ បានប្រើចំណេះដឹងរបស់ពួកគាត់ ដើម្បីដំណើរការគម្រោងថ្មីនេះ។
Solar Impulse-2 អាចហោះហើររយៈពេល៥ថ្ងៃ និង៥យប់ ពោលដល់ទៅ១២០ម៉ោងឯណោះ ដែលអាចធ្វើដំណើរឆ្លងកាត់មហាសមុទ្រប៉ាស៊ីហ្វិក និងអាត្លង់ទិកបាន៕
ទស្សនាឃ្លិបដូចខាងក្រោមនេះ៖
មតិយោបល់