ដោយទទួលបានដំណឹងសោកនាដកម្មដ៏សែនរន្ធ ដែលមានបងប្អូនប្រជាពលរដ្ឋចំនួន ៧នាក់បានស្លាប់ជាបន្ត បន្ទាប់ ក្នុងពេលចុះអណ្តូងទឹក កាលពីវេលាម៉ោង១៧ រសៀលថ្ងៃទី៣១ ខែឧសភា ឆ្នាំ២០១៤ នៅភូមិសាលាក្រវ៉ាន់ ឃុំរំចេក ស្រុកបន្ទាយស្រី ខេត្តសៀមរាប តាមសេចក្តីរាយការណ៍ពីគណៈកម្មាធិការសាខាកាកបាទក្រហមកម្ពុជាខេត្ត និង អាជ្ញាធរខេត្ត ទើបនៅរសៀលថ្ងៃទី០៣ ខែ មិថុនា ឆ្នាំ២០១៤ម្សិលមិញនេះ ក្រុមប្រតិភូរបស់កាកបាទក្រហម កម្ពុជា ថ្នាក់កណ្តាល ដែលដឹកនាំដោយឯ.ឧវេជ្ជបណ្ឌិត សុខ ឡុង នាយកនៃនាយកដ្ឋានសុខភាព កាកបាទក្រហម កម្ពុជា ព្រមទាំងសហការី ដែលអមដំណើរដោយអស់លោក លោកស្រីជានាយកសាខា និង មន្ត្រីប្រតិបត្តិសាខាកាក បាទក្រហមកម្ពុជាខេត្ត បាននាំយកនូវអំណោយដ៏ថ្លៃថ្លារបស់សម្តេចគិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាក បាទក្រហមកម្ពុជា ទៅចែកជូនក្រុមគ្រួសារសពទាំង៧រូប ដែលបានបាត់បង់ជីវិតក្នុងការចុះក្នុងអណ្តូងទឹក ដើម្បីធ្វើការ ជួយសង្គ្រោះគ្នា កាលពេលកន្លងមកនេះ ។
បន្ទាប់ពីលោក សូរ សុន អភិបាលនៃគណៈអភិបាលស្រុកបន្ទាយស្រី ធ្វើកិច្ចស្វាគមន៍ និង សេចក្តីរាយការណ៍ ពីព្រឹត្តិការណ៍ដែលបង្កឲ្យកើតមាននូវសោកនាដកម្មនេះឡើងរួចមក លោក ស៊ុំ សំអន នាយកប្រតិបត្តិសាខាកាកបាទក្រហមខេត្ត បានបញ្ជាក់អំពីប្រភពអំណោយដែលត្រូវចែកជូនបងប្អូនគ្រួសារនៃសពទាំង៧រូប និង អ្នករងរបួស ក្នុងនោះសព១នាក់ទទួលបាន អង្ករ ១០០គក្រ មី ៥កេស ថវិកា ២លានរៀល ចំពោះអ្នករងរបួស អង្ករ ១០០គក្រ ថវិកា ១លានរៀលផងដែរ ។
មានប្រសាសន៍សំណេះសំណាលនោះដែរឯ.ឧវេជ្ជបណ្ឌិត សុខ ឡុង ក្នុងនាមតំណាងកាកបាទក្រហមកម្ពុជា ក៏បានពាំនាំនូវការចូលរួមចែករំលែកទុក្ខដ៏ក្រៀមក្រំរបស់ក្រុមគ្រួសារនៃសព ដែលបានបាត់បង់នូវសមាជិកក្រុម គ្រួសារជាទីស្រឡាញ់ ពីសំណាក់សម្តេចគិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តែងតែ នឹកគឹតដល់បងប្អូនប្រជាពលរដ្ឋដែលទទួងរងគ្រោះ និង សុខមាលភាព សម្ខាន់ពីសុខភាពរបស់ស្ត្រី និង កុមារ ព្រម ទាំងជីវភាពរស់នៅរបស់បងប្អូននៅគ្រប់មូលដ្ឋាននានាទូទាំងព្រះរាជាណាចក្រកម្ពុជាទៀតផង ។ ក្នុងនោះដែរ ឯកឧត្តមវេជ្ជបណ្ឌិត ក៏បានសម្តែងនូវការសោកស្តាយយ៉ាងខ្លាំង ពីការបាត់បង់នូវធនធានមនុស្ស ដែលជាសរសស្តម្ភ ដ៏រឹងមាំ លើកិច្ចអភិវឌ្ឍន៍ប្រទេសជាតិ និង មូលដ្ឋានខ្លួនឲ្យមានការរីកចម្រើន ។
ឯ.ឧវេជ្ជបណ្ឌិត សុខ ឡុង ក៏បាន គូសបញ្ជាក់ថា ដោយទទួលបានដំណឹងសោទនាកម្មនេះភ្លាម សម្តេចគិត្តិព្រឹទ្ធបណ្ឌិត ក៏បានចាត់តាំងឲ្យក្រុមការងារ កាកបាទក្រហមថ្នាក់កណ្តាល តំណាងកាកបាទក្រហមកម្ពុជា ចុះមកសួរសុខទុក្ខ លំបាកដល់ក្រុមគ្រួសាររងគ្រោះ ដែលមានសមាជិកគ្រួសារបានស្លាប់ នៅក្នុងឧបត្តិហេតុចុះក្នុងអណ្តូងទឺកលូ ។ ឯកឧត្តមបានបន្តទៀតថា អំណោយដែលបានប្រគល់ជូនដល់បងប្អូនគ្រួសារសព និង អ្នករងរបួសនាពេល ក្នុងការបំពេញនូវតម្រូវការចាំបាច់របស់បងប្អូន ក្នុងការរៀបចំធ្វើពិធីបុណ្យទៅតាមគន្លងព្រះពុទ្ធសាសនា ដើម្បីឧទ្ទិសផលបុណ្យកុសល បញ្ជូនទៅដល់អ្នកដែល បានបាត់បង់ជីវិត ទាំង៧នាក់ ឲ្យបានទៅកាន់សុគតិភពថ្មី ។ ឯ.ឧវេជ្ជបណ្ឌិត សុខ ឡុង ក៏បានធ្វើការផ្តាំផ្ញើដល់បងប្អូន ដែលបានចូលរួមក្នុងពិធីបុណ្យសពទាំងអស់ ត្រូវមានការយកចិត្តទុក ដាក់ខ្ពស់ ទៅលើសុខភាព អនាម័យនៅតាមភូមិ ដ្ឋាន ពិសេសការហូងស្អាត ផឹកស្អាត សម្ខាន់បងប្អូនជាស្ត្រីដែលមានផ្ទៃពោះ ត្រូវទៅពិនិត្យមើលសុខភាពរបស់ខ្លួន ឲ្យបានជាប្រចាំខែនៅតាមមណ្ឌលសុខភាពដែលនៅជិតខ្លួន ។ ក្នុងនាមតំណាងកាកបាទក្រហមកម្ពុជា ឯកឧត្តមក៏បាន សំណូមពរ និង ធ្វើការហាមប្រាណដល់បងប្អូនប្រជាពលរដ្ឋ ទាំងនៅឃុំរំចេក ក៏ដូចទូទាំងប្រទេស ចំពោះអណ្តូងទឹក ហាមចុះជាដាច់ខាត ដោយគ្មានបច្ចេកទេសត្រឹមត្រូវ ក្នុងការធានានូវសុវត្ថិភាពនូវអាយុជីវិតរបស់ខ្លួននោះ ៕
https://i1272.photobucket.com/albums/y389/domneng/3D%20Gun/Sr2_zpsdc6414b5.png
https://i1272.photobucket.com/albums/y389/domneng/3D%20Gun/Sr4_zpseedaef96.png
https://i1272.photobucket.com/albums/y389/domneng/3D%20Gun/Sr5_zps9407b482.png
https://i1272.photobucket.com/albums/y389/domneng/3D%20Gun/Sr3_zpsd74867d4.png
https://i1272.photobucket.com/albums/y389/domneng/3D%20Gun/Sr1_zps72ce66c4.png
មតិយោបល់