កំពង់ឆ្នាំង ៖សត្វគោ១ក្បាលដើរឆ្លងផ្លូវជាតិត្រូវបានរថយន្តហ៊ីយ៉ាន់ដាយមួយគ្រឿងបុកប្រកាច់ភ្លាមៗនៅនឹងកន្លែងកើតហេតុ ចំណែករថយន្តបានរងការខូចខាតមួយចំហៀងខាងស្តាំផ្នែកខាងមុខ ។ ហេតុការណ៍នេះបានកើតឡើងនៅវេលាម៉ោង១០និង១០នាទីព្រឹកថ្ងៃទី០៤ ខែ មិថុនា ឆ្នាំ២០១៤ នៅលើផ្លូវ ជាតិលេខ៥ត្រង់ចន្លោះគីឡូម៉ែត្រលេខ៨៥.៨៦ ក្នុងភូមិព្រៃពួច ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
សមត្ថកិច្ចនៅកន្លែងកើតហេតុបានអោយដឹង ៖ថាមុនពេលកើតហេតុមានរថយន្ដមួយ គ្រឿងម៉ាកហ៊ីយ៉ាន់ដាយ ពណ៌ទឹកប៊ិ១គ្រឿងពាក់ស្លាកលេខ៨០៩៨ភ្នំពេញ៣ ដែលបើកបរដោយឈ្មោះ មាស ម៉ានី ភេទប្រុស អាយុ៣២ឆ្នាំរស់នៅព្រៃសាលា ស្រុកបន្ទាយមាស ខេត្តកំពត ជាកម្មករបើកបររថយន្តអោយក្រុមហ៊ុន ទឹកបរិសុទ្ធស៊ុបភើហាយធិច។ បើកបរក្នុងទិសដៅពីត្បូងមកជើង លុះពេលមកដល់ចំណុចកើត ហេតុស្រាប់តែមានគោមួយក្បាលរត់ឆ្លងផ្លូវជាតិ ពេលនោះអ្នកបើករថយន្តជាន់ហ្វ្រាំងមិនទាន់ក៏ជ្រុលទៅបុកគោ១ក្បាលនោះប្រកាច់នៅនិងកន្លែង។
ពេលនោះសមត្ថកិច្ចចុះទៅពិនិត្យដល់កន្លែងកើតហេតុ ម្ចាស់រថយន្តបានរកម្ចាស់គោដើម្បីទាមទារអោយម្ចាស់គោសងថ្លៃខូចខាតរថយន្ត ប៉ុន្តែម្ចាស់គោមិនឃើញចេញមុខទទួលខុសត្រូវឡើយ។សមត្ថកិច្ចក៏បានដឹកយកគោនិងរថយន្តទៅរក្សាទុកនៅអធិការដ្ឋាននគរបាលស្រុករលាប្អៀរ ដើម្បីស្រាវជ្រាវរកម្ចាស់គោនិងកសាងសំណុំ
រឿងដោះស្រាយតាមនិតិវិធីច្បាប់គេសង្កេតឃើញសព្វថ្ងៃសត្វគោក្របីត្រូវបានគេប្រលែងអោយដើរពាសវាលពាសកាល ហាក់ដូចជាគ្មានម្ចាស់ ពេលបង្កគ្រោះថ្នាក់មិនឃើញម្ចាស់ចេញមុខដោះស្រាយនោះឡើយ៕
https://i1272.photobucket.com/albums/y389/domneng/2013-04/Lingering/2014-06-05_144001_zps622e2f02.png
មតិយោបល់