កាលពីថ្ងៃទី ៣ ខែ មិថុនា ប្រភពព័ត៌មាន leicestermercury បានចុះផ្សាយថា កីឡាករ Floyd Mayweather បានលុបចោល ដំណើរទស្សនៈកិច្ចរបស់ខ្លួន មកកាន់ចក្រភពអង់គ្លេសក្នុងខែ មិថុនានេះ ។
បើតាមប្រភពខាងលើបានរាយការណ៍ថា កីឡាករលំដាប់ពិភពលោក វាយមិនដែលចាញ់ មានបញ្ហាទិដ្ឋាការរបស់លោក ដែលហាមឃាត់លោកមិនឲ្យធ្វើដំណើរទៅកាន់ទីក្រុងឡុងដ៍។
ដំណើរទស្សនៈកិច្ចរបស់ Floyd Mayweather ខែ មិថុនា គឺ គ្រោងនឹងធ្វើដំណើរមកកាន់ទីក្រុង Bolton ដើម្បីធ្វើឲ្យការព្យាករណ៍ជុំវិញការប្រកួតរបស់លោកជាមួយកីឡាករ Amir Khan។
ខណៈនោះដែរ កីឡាករ Amir Khanបាននិយាយថា ជាការពិតណាស់ថាលោកចង់ជួបជាមួយកីឡាករអាមេរិកម្នាក់ជាថ្មីម្តងទៀត។
ពាក់ព័ន្ធនឹងបញ្ហាទិដ្ឋាការរបស់លោកនេះដែរ មិនត្រូវបានគេប្រកាសឲ្យដឹងនោះទេ ប៉ុន្តែវាអាចបណ្តាលមកពីលោកជាប់ពន្ធគារកាលពីពេលកន្លងទៅនៅទីក្រុងឡាសវេហ្គាស់ ហើយការរៀបចំសំណុំឯកសារនៃការធ្វើដំណើរនេះ លោក Spencer Brownដែលជាពាណិជ្ជករដ៏ល្បីល្បាញម្នាក់របស់អង់គ្លេសនោះ គឺជាអ្នកទទួលខុសត្រូវទាំងអស់។
បញ្ជាក់ផងដែរថា កីឡាករ Mayweatherបានប្រកាសរួចហើយថា លោកនឹងឡើងសង្វៀនម្តងទៀតនៅខែកញ្ញាខាងមុខនេះ ដែលគូប្រកួតរបស់លោកនឹងកំណត់តាមក្រោយ៕
មតិយោបល់