ភ្នំពេញ ៖ បុរសម្នាក់បានរងរបួសរលាត់ដៃរលត់ជើងដោយលោតចេញពីម៉ូតូទាន់ពេល ដោយសារ រថយន្ត FUSO ធុនធំមួយគ្រឿងបើកវ៉ារថយន្តមួយគ្រឿងនៅពីមុខក៏ជ្រុលបុកកិនម៉ូតូខ្ទេច មួយកំណាត់មុខ ដែលហេតុការណ៍នេះបានកើតឡើងកាលពីវេលាម៉ោង៩និង១០នាទីយប់ ថ្ងៃទី៥ខែមិថុនាឆ្នាំ២០១៤ ត្រង់ចំណុចក្បែវវត្តនិរោធ តាមបណ្ដោយផ្លូវជាតិលេខ១ ស្ថិតក្នុងសង្កាត់និរោធ ខណ្ឌមានជ័យ។
ប្រភពព័ត៌មានពីកន្លែងកើតហេតុ បានអោយដឹងថានៅមុខពេលកើតហេតុគេឃើញបុរសម្នាក់ ជិះម៉ូតូមួយគ្រឿងម៉ូតូម៉ាកហុងដាអាយខុន ពណ៌ផ្កាឈូកលាយស ពាក់ស្លាកលេខ ភ្នំពេញ 1AY-6390 ជិះធ្វើដំណើរតាមបណ្ដោយផ្លូវជាតិលេខ១ ទិសដៅលិចទៅកើត ដោយមាន ដឹកសំភារៈនៅពីខាងក្រោយ ខណៈមកចំណុចកើតហេតុក្បែរវត្តនិរោធ ក៏មានរថយន្តមួយគ្រឿង ម៉ាក FUSO ពណ៌ត្រួយចេកខ្ចី ពាក់ស្លាកលេខ ស្វាយរៀង 3A-0778 បានធ្វើដំណើរតាមបណ្ដោយ ផ្លូវជាតិលេខ១ទិសដៅពីកើតទៅលិចបញ្ច្រាស់ទិសគ្នា ហើយរថយន្តបានព្យាយាមបើកវ៉ារថយន្ត មួយគ្រឿងនៅពីមុខក៏បានបុកចំម៉ូតូអាយខុនចំពេញទំហឹងនិងកិនខ្ទេចមួយកំណាត់មុខ សំណាងល្អ ម្ចាស់ម៉ូតូអាយខុនបានលោតចេញពីម៉ូតូទាន់ពេញគ្រាន់តែរងរបួសរលាត់ដៃរលាត់ជើង បន្ទាប់ ពីកើតហេតុរថយន្តបង្កមិនបានឈប់នៅកន្លែងកើតហេតុនោះទេ គឺរថយន្តបានបន្ថែមល្បឿន ទៅមុខដើម្បីរត់គេចក៏ត្រូវសមត្ថកិច្ចឃាត់បាននៅចំណុចមុខធនាគារអេស៊ីលីដា ប៉ុន្តែ តៃកុងបានរត់គេចខ្លួនបាត់ស្រមោល។
ក្រោយពេលកើតហេតុសមត្ថកិច្ចបានចុះមកធ្វើការវាស់វែងនិងយកម៉ូតូនិងរថយន្តទៅរក្សាទុកនៅ អធិការដ្ឋាននគរបាលខណ្ឌមានជ័យដើម្បីធ្វើការដោះស្រាយតាម
ផ្លូវច្បាប់៕
https://i1272.photobucket.com/albums/y389/domneng/3D/2014-06-06_104543_zps91ad33cb.png
មតិយោបល់