អារម្មណ៍ខូចចិត្តក្រោយពេលបែកបាក់ស្នេហា ពិតជាមិនអាចគេចផុតទេ ប៉ុន្តែអ្នកគួរតែគេចឲ្យផុតពីភាពក្រៀមក្រំចិត្ត។ នៅពេលដែលស្នេហាមិនសមដូចបំណង អ្នកមិនត្រូវផ្តោតអារម្មណ៍ខ្លាំងពេកទេ។ ទឹកភ្នែកជារបស់ដែលចាំបាច់ដើម្បីលាងសម្អាតភាពក្រៀមក្រំក្នុងចិត្ត។ “ការឈឺចាប់”, “ការខកចិត្ត”, “ភាពក្រៀមក្រំចិត្ត” គឺជាអារម្មណ៍ដែលនឹងកើតឡើងនៅពេលស្នេហាត្រូវបរាជ័យ។ ដើម្បីយកឈ្នះលើស្ថានភាពអវិជ្ជមានទាំងអស់នេះ អ្នកគួរតែចៀសវាងដូចខាងក្រោម៖
កុំព្យាយាមលាក់បាំងការពិតរបស់អ្នក
ប្រសិនបើអ្នកកំពុងព្យាយាមលាក់បាំងអារម្មណ៍ខូចចិត្ត សូមបោះបង់ការធ្វើបែបនេះចោលទៅ។ ជាការពិតណាស់ការសម្តែងនូវអារម្មណ៍ពិត ផ្តល់នូវភាពងាយស្រួល និងអាចជួយឲ្យអារម្មណ៍ឆាប់បានធូរស្បើយពីភាពក្រៀមក្រំចិត្ត។
ព្យាយាមរក្សាមិត្តភាពឲ្យបានច្រើន
ទោះបីជាអ្នកចែកផ្លូវគ្នាហើយក្តី ប៉ុន្តែបេះដូងរបស់អ្នកនៅតែស្រលាញ់ និងស្មោះត្រង់នឹងគេជានិច្ច ហើយតែងតែលាក់អារម្មណ៍ពិតនៅក្នុងចិត្ត។ ដូច្នេះអ្នកត្រូវព្យាយាមរក្សាក្តីសង្ឃឹមដោយការរក្សាមិត្តភាពឲ្យបានច្រើនជាមួយអ្នកដទៃទើបប្រសើរជាង។ វិធីនេះនឹងជួយឲ្យអ្នកមានតម្លៃកាន់តែខ្លាំង ប្រសិនបើគ្មានអព្ភូតហេតុអ្វីកើតមានឡើង។ នៅក្នុងករណីនេះ អ្នកត្រូវធ្វើឲ្យជីវិតអ្នកប្រកបដោយវិចារណញ្ញាណ ក្លាហាន និងបោះបង់ចោលនូវអ្វីដែលមិនមែនជាកម្មសិទ្ធិរបស់អ្នក។ ក្នុងគ្រាដំបូង អ្នកនឹងមានការពិបាកគេចឲ្យផុតពីអារម្មណ៍ឈឺចាប់ ប៉ុន្តែត្រូវចងចាំថា ភាពក្លាហានជាឱកាសមួយជួយឲ្យអ្នកក្លាយជាមនុស្សដ៏រឹងមាំឡើងវិញបាន។
ការសងសឹក
សុភាសិតមួយពោលថា ការអត់ទោសឲ្យអ្នកដទៃ និងអត់ទោសឲ្យខ្លួនឯង ជាវិថីឈានទៅរកសន្តិភាព និងស្ងប់ស្ងាត់។ ជៀសវាងការចំណាយពេលគិតពីវិធីដើម្បីសងសឹកអ្នកណាម្នាក់ អ្នកគួរតែយកចិត្តទុកដាក់ក្នុងការស្វែងរកអ្វីដែលសប្បាយៗ ដើម្បីព្យាបាលបេះដូងរបស់អ្នកឡើងវិញប្រសើរជាង។ ពេលក្រោយអ្នកនឹងអរគុណអ្នកដែលធ្វើឲ្យអ្នកឈឺចាប់ ពីព្រោះអ្នកបានរកឃើញភាពខ្លាំងរបស់អ្នក។
ស្វែងរកតិចនិចដើម្បីទំនាក់ទំនង
នៅពេលនិយាយពាក្យថាលាហើយ អ្នកទាំងពីរនឹងមិនអាចទំនាក់ទំនងគ្នាដោយផ្ទាល់ម្តងទៀតបានឡើយ។ ប៉ុន្តែមិនយូរទេ ទាក់ទងគ្នាតាមរយៈទូរស័ព្ទ ឬក៏ផ្ញើសារឆ្លើយតបដោយមានក្តីសង្ឃឹម។ អ្នកព្យាយាមទាក់ទងទៅគេកាន់តែច្រើន នោះអ្នកនឹងមិនពិបាកបំភ្លេចគេកាន់តែខ្លាំងដែរ។
បោះបង់អ្វីៗគ្រប់យ៉ាងចោលទាំងអស់
ក្នុងកំឡុងពេលក្មេងឈាមរាវ ស្នេហាអាចធ្វើឲ្យអ្នកអាចបោះបង់អ្វីៗគ្រប់យ៉ាងបានទាំងអស់។ ប៉ុន្តែនៅពេលអ្នកស្ថិតក្នុងវ័យចាស់ទុំបន្តិច នោះអ្នកនឹងដឹងថាអ្នកនិងគ្រួសាររបស់អ្នកមានតម្លៃ។ ត្រូវរំលឹកខ្លួនឯងថា ផ្ទុយពីការទទួលរងការឈឺចាប់ មានអារម្មណ៍ខូចចិត្តយ៉ាងណាទេ អ្នកក៏ត្រូវការចិត្តតស៊ូដើម្បីយកឈ្នះក្តីលំបាកទាំងនេះឲ្យបាន។
នៅតែធ្វើឲ្យខ្លួនអ្នកជួបនឹងបញ្ហា
នៅក្នុងចំណុចនេះ អ្នកពិតជាត្រូវការឲ្យអ្នកដទៃជួយដល់អ្នក។ ត្រូវស្វែងរកមិត្តដើម្បីជួបជជែកគ្នាលេង និងមិនខ្មាស់អៀនគេ។ ប្រសិនបើវាពិតជាពិបាកនឹងរ៉ាយរ៉ាប់ប្រាប់មនុស្សដែលអ្នកស្គាល់ អ្នកអាចសរសេរចូលក្នុងសៀវភៅកត់ត្រាប្រចាំថ្ងៃរបស់អ្នក។ ប្រាកដណាស់មិត្តរបស់អ្នកនឹងអាចជួយឲ្យអ្នកធូរស្បើយបាន។ ម្យ៉ាងវិញទៀត អ្នកអាចរៀបចំដំណើរកំសាន្តរយៈពេលខ្លីមួយ ដើម្បីចាប់ផ្តើមខ្លួនអ្នកសារជាថ្មី។ ក្រោយពីដំណើរកំសាន្តនេះរួច អ្នកនឹងលែងឃើញភាពសោកសៅរបស់អ្នកទៀតហើយ៕
មតិយោបល់