អេស្ប៉ាញ៖ កីឡាករ Karim Benzema បាននិយាយថា ការចុះហត្ថលេខាកីឡាករក្លិបហង្សក្រហម លោក Luis Suarez ជាមួយនឹងក្លិប Real Madrid ខាងក្លិបគួរពិចារណាឲ្យបានច្រើន មុនចុះកុងត្រា។
បើតាមប្រភពដែលចុះផ្សាយកន្លងមក បានឲ្យដឹងថា ក្លិប អធិរាជស Real Madrid បានចំណាយ ទឹកប្រាក់ ធំ ដើម្បីស្នើទិញកីឡាករ សញ្ជាតិអ៊ុយរ៉ូហ្គាយ នៅរដូវកាលនេះ ហើយក្លិបកំពុងតែធ្វើការវិភាគ លើ ពេលវេលាចុងក្រោយរបស់ Benzema នៅ Santiago Bernabeu ។
កីឡាករសញ្ជាតិបារាំង Karim Benzema រូបនេះបានរកគ្រាប់បាល់បាន ១៧ គ្រាប់ កាលពីរដូវកាលមុន នៅក្នុងក្របខណ្ឌ La Liga ខណៈដែល Suarez រកគ្រាប់បាល់បាន ៣១ គ្រាប់ ក្នុងចំណោម ៣៣ ប្រកួត នៅ Premier League ក៏ប៉ុន្តែ ហង្សក្រហម មិនអាចលើកពានបានទៅវិញ ។
កីឡាករ Karim Benzema បានប្រាប់ដល់ Barca ថា “គាត់នៅទីនេះពិតជាល្អណាស់ រាល់កីឡាករដែលមកដល់ទីក្រុង ម៉ាឌ្រីដ ពិតជាអ្នកលេងល្អ” ។ កីឡាកររូបនេះ បានបន្តទៀតថា លោកទទួលស្គាល់ថា កីឡាករ Suarez ជាអ្នកលេងល្អនៅ Premier League ក៏ប៉ុន្តែសម្រាប់កីឡាករនេះគ្មានរដូវកាលល្អ និងពិសេសដូចខាងអេស្ប៉ាញនោះទេ តែបើសិនជាមកដល់អេស្ប៉ាញ ជាក់ណាស់ អាចនឹងជួយយើង ៕
មតិយោបល់