ដើម្បីអនុវត្តឲ្យកាន់តែមានប្រសិទ្ធភាព នូវគោលនយោបាយភូមិ ឃុំមានសុវត្ថិភាពនោះ ជនសង្ស័យ ភេទប្រុសចំនួន០៣នាក់នេះ ត្រូវបានកម្លាំងសមត្ថកិច្ចនគរបាលជំនាញ ដឹកនាំកម្លាំងដោយលោកវរៈសេនីយ៍ឯក អ៊ុំ អមរា ស្នងការរង និង ជាប្រធានការិយាល័យកណ្តាលនគរបាលប្រឆាំងបទល្មើស និង លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាប សហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់ស្លក្រាម ក្រុងសៀមរាប តាមដានស្រាវជ្រាវ និង ឈានដល់ការបង្ក្រាបបានបទល្មើសគ្រឿងញៀន ២ករណី ក្នុងនោះ ករណីទី១ បានចាប់ឃាត់ខ្លួនជនសង្ស័យ ចំនួន២នាក់ នៅភូមិដកពោធិ៍ សង្កាត់ស្លក្រាម ក្នុងនោះជនសង្ស័យទី១ ឈ្មោះ កែវ ណារិទ្ធ ភេទប្រុស អាយុ២៤ឆ្នាំ (ជាអ្នកប្រើប្រាស់ និង ចាត់ចែង ) ជនសង្ស័យទី២ ឈ្មោះ យ៉ា សាទី ភេទ ប្រុស អាយុ ២០ឆ្នាំ (ជាអ្នកប្រើប្រាស់ ) ចំពោះករណី២ ត្រូវបានចាប់ឃាត់ខ្លួននៅភូមិមណ្ឌល៣ សង្កាត់ស្លក្រាមក្រុងសៀមរាប មានឈ្មោះ សាម សារ៉ាត់ ភេទប្រុស អាយុ ១៧ឆ្នាំ (ជាអ្នកប្រើប្រាស់ និង រក្សាទុកគ្រឿងញៀន) ហើយជនសង្ស័យទាំង៣នាក់នេះ ត្រូវធ្វើការឃាត់ខ្លួន នាថ្ងៃទី០៦ ខែមិថុនា ឆ្នាំ២០១៤កន្លងទៅ ។
ក្នុងកិច្ចចុះប្រតិបត្តិការ បង្ក្រាបពីករណីប្រើប្រាស់និងរក្សាទុកគ្រឿងញៀនខុសច្បាប់នេះ សមត្ថកិច្ចយើងបានធ្វើការត្រួតពិនិត្យ ដោយបានរកឃើញនៅប្រភេទគ្រឿងញៀនខុសច្បាប់ នៅម្ស៉ៅមេតំហ្វេតាមីន ហៅម៉ាទឹកកក០១ កញ្ចប់តូច និង ទូរស័ព្ទដៃ ចំនួន ០៣គ្រឿង ។
លោកវរៈសេនីយ៍ទោអ៊ុំ សាអាត បានបន្តឲ្យដឹងថា នៅមុខសមត្ថកិច្ចជនសង្ស័យទាំងបីបានឆ្លើយសារភាពថា ពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែន បច្ចុប្បន្នទាំងជនសង្ស័យ និង វត្ថុតាង ត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាប កាលពីថ្ងៃទី០៧ខែមិថុនាឆ្នាំ ២០១៤កន្លងទៅនេះ ដើម្បីចំណាត់ការទៅតាមនិតិវិធីជាបន្ត ៕
https://i1272.photobucket.com/albums/y389/domneng/3D/2014-06-08_111250_zps0de14da8.png
មតិយោបល់