គណបក្សសង្គ្រោះជាតិ នៅព្រឹកថ្ងៃទី៩ មិថុនា នេះ បានធ្វើសន្និសីទកាសែតមួយ បកស្រាយពីបញ្ហាដែលខកខានមិនបានចុះជួបអ្នកគាំទ្រនៅស្រុកអន្លង់វែង ខេត្តឧត្តរមានជ័យ កាលពីថ្ងៃម្សិលមិញ។
ប្រធានគណបក្សសង្គ្រោះជាតិ លោក សម រង្ស៊ី ថ្លែងនៅក្នុងសន្និសីទកាសែតថា ហេតុផលដែលលោកមិនបានចុះជួបអ្នកគាំទ្រនៅស្រុកអន្លង់វែង ខេត្តឧត្តរមានជ័យ កាលពីថ្ងៃម្សិលមិញ ដោយសារតែមានការរារាំងហើយការរារាំងនេះ ត្រូវបានធ្វើឡើងជាលក្ខណៈប្រព័ន្ធ។
គួរបញ្ជាក់ផងដែរថា កាលពីថ្ងៃទី៨ មិថុនា មេដឹកនាំបក្សសង្គ្រោះជាតិ លោក សម រង្ស៊ី និង លោក កឹម សុខា គ្រោងចុះទៅជួបអ្នកគាំទ្រនៅស្រុកអន្លង់វែង ខេត្តឧត្តរមានជ័យ ក៏ប៉ុន្តែ មានមនុស្សពេញកម្លាំងសុទ្ធតែប្រុសៗ ជាអ្នកគាំទ្រគណបក្សកាន់អំណាចច្រើនរយនាក់ រួមទាំងប៉ូលិស និងកងរាជអាវុធហត្ថផង បានរាយបណ្ដាក់តាមដងផ្លូវសំខាន់ៗ ដើម្បីរារាំង៕
មតិយោបល់