យោងសេចក្ដីប្រកាសព័ត៌មានរបស់ព្រឹទ្ធសភាបានឲ្យដឹងថា សេចក្តីព្រាងច្បាប់ស្ដីពី ការរៀបចំអង្គការតុលាការ មានគោលបំណងធានាឯករាជ្យភាព
នៃអំណាចតុលាការ ធានារក្សាអនាគតិ និងការពារសិទ្ធិសេរីភាពរបស់ប្រជាពលរដ្ឋ ធានាឲ្យមានកិច្ចដំណើរការល្អរបស់អង្គការតុលាការ និងអង្គការអយ្យការ លើកកម្ពស់សេវាសាធារណៈឲ្យមានប្រសិទ្ធភាព និងឆាប់រហ័ស ធានាក្នុងការផ្ដល់ភាពយុត្តិធម៌លើរឿងក្ដីគ្រប់ប្រភេទ បង្កើនជំនឿទុកចិត្តពីប្រជាពលរដ្ឋ និងជាយុទ្ធសាស្ត្រកែទម្រង់ ប្រព័ន្ធច្បាប់ និងតុលាការមិនអាចខ្វះបានដល់ការចូលរួមយ៉ាងសំខាន់ក្នុងការកសាងប្រទេសជាតិឲ្យរឹងមាំ ផ្នែកយុត្តិធម៌ ធានាឲ្យមាននីតិរដ្ឋ លទ្ធិប្រជាធិបតេយ្យ ការពារសិទ្ធិមនុស្ស និងប្រឆាំងបង្ក្រាបបទល្មើសគ្រប់ប្រភេទ និងរួមចំណែក ជួយពង្រឹងសុវត្ថិភាពសង្គម ។
សេចក្ដីព្រាងច្បាប់ស្ដីពីលក្ខន្តិកៈ នៃចៅក្រម និងព្រះរាជអាជ្ញាមានគោលបំណងធានាឯករាជ្យនៃ អំណាចតុលាការ ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា និងមាន វិសាលភាពអនុវត្តន៍ចំពោះតែចៅក្រម និងព្រះរាជអាជ្ញា ទូទាំងព្រះរាជាណា ចក្រកម្ពុជា លើកលែងតែមានច្បាប់ដោយឡែក កំណត់ផ្សេងពីនេះ និងជាប្រយោជន៍ក្នុងការ ប្រតិបត្តិមុខងាររបស់ខ្លួនប្រកបដោយឯករាជ្យភាព អព្យាក្រឹតភាព និងផ្ដល់យុត្តិធម៌ជូន ប្រជា ពលរដ្ឋគ្រប់ៗគ្នា ។
សេចក្ដីព្រាងច្បាប់ស្ដីពីការរៀបចំ និងការប្រព្រឹត្តទៅ នៃឧត្ដមក្រុមប្រឹក្សា នៃអង្គចៅក្រម មានគោលបំណង បង្កើត និងកំណត់ការរៀបចំ និងការប្រព្រឹត្តទៅនៃឧត្ដមក្រុម ប្រឹក្សានៃអង្គចៅក្រម ក្នុងបំណងជួយព្រះមហាក្សត្រ ដើម្បីធានាឯករាជ្យ នៃអំណាចតុលាការ ស្របតាមរដ្ឋធម្មនុញ្ញនៃព្រះរាជាណាចក្រកម្ពុជា និងសម្រាប់ជាប្រយោជន៍ដល់ការគ្រប់គ្រង ស្ថាប័នតុលាការ ដើម្បីធានានូវប្រសិទ្ធភាពពិតប្រាកដនៃការងារកែទម្រង់លើវិស័យ យុត្តិធម៌ ដែលមិនអាចខ្វះបាន៕
https://i1272.photobucket.com/albums/y389/domneng/123_zps773cab2d.jpg
មតិយោបល់