លោក ស៊ីន ស៊ីសាមុត គឺជាអ្នកនិពន្ធបទចម្រៀងនិងជាអ្នកចម្រៀងខ្មែរដ៏ល្បីល្បាញនាអំឡុងទសវត្សរ៍ឆ្នាំ ៥០ ដល់ ៧០។ លោកមានរហស្សនាមថាជា អធិរាជសំឡេងមាស។ លោក ស៊ីន-ស៊ីសាមុត ទទួលមរណៈភាពក្នុងរបបប្រល័យពូជសាសន៍ខ្មែរក្រហម នៅថ្ងៃទី ១៨ ខែឧសភា ឆ្នាំ១៩៧៦។ ភាពល្បីល្បាញរបស់លោក ស៊ីន-ស៊ីសាមុត បានពីទឹកដមសំឡេងដ៏ក្រអួនក្រអៅ ពីរោះរណ្ដំចិត្ត គួបផ្សំនិងបទចម្រៀងមនោសញ្ចេតនាគ្រប់រសជាតិ លន្លង់លន្លោច សប្បាយ កម្សត់ខ្លោចផ្សារ -ល- ដែលជាស្នាដៃនិពន្ធផ្ទាល់របស់លោក និងអ្នកនិពន្ធដទៃក្នុងជំនាន់លោក។ ក្រៅពីនេះ លោក ជាតារាចម្រៀងម្នាក់ ដែលគេតែងតែល្បីថា ទៅដល់ណាមានស្រី ដល់នោះដោយមានបទជាច្រើនទាក់ទងនិងស្នេហារបស់លោក ក៏ប៉ុន្តែ ចំណុចនេះ លោក នៅចាញ់ តារាចម្រៀងរួមជំនាន់របស់លោក គឺលោក សុះ ម៉ាត់ ។
លោក សុះ ម៉ាត់ គឺជាតារាចម្រៀង ដ៏ល្បីល្បាញ ដោយមានបទ ល្បីលេខ ១ របស់លោកក្រោមចំណងជើង “ផ្ញើកងចងដៃ” ដែលត្រូវបានតារាចម្រៀងជំនាន់ក្រោយ យកមកច្រៀង ក៏ប៉ុន្តែគ្មាននរណាអាចច្រៀងល្បីដូចលោកបានឡើយ ។ បើទោះបីជាបទនេះ ជាបទ ល្បីលេខ១ របស់លោក ក៏ប៉ុន្តែ វាមិនអាចយកឈ្នះទឹកដមរបស់លោក ស៊ីន ស៊ីសាមុត បានទេ ។
មូលហេតុដែលធ្វើឲ្យគេ និយាយតៗគ្នា ក្នុងជំនាន់នោះ ថា “និយាយពីសំលេងពិរោះដាច់គេ គឺស៊ីន ស៊ីសាមុត តែបើស្រីច្រើនលេខ ១ គឺលោក សុះ ម៉ាត់ ” គឺមានមូលហេតុចម្បងធំបំផុត ទាក់ទងនឹងជីវិតស្នេហាឯកជនរបស់លោក ។
បើយោងតាមការចុះផ្សាយរបស់ សៀវភៅ “មាស ស្រោបនគរ” របស់ កវីនិពន្ធ សេង តារា ដែលបានដកស្រង់ សម្តីប្រពន្ធទី ៤ របស់លោក សុះ ម៉ាត់ គឺ អ្នកស្រី អ៊ុក ឃីម បាននិយាយថា “សព្វថ្ងៃ តែងតែមានក្មេងៗមករកប្រពន្ធទី ១ របស់លោក សុះ ម៉ាត់ គឺអ្នកស្រី សាន់ម៉ី សាម៉ាស ជាហូរហែរ ដោយពូកគេថា ក៏ជាកូនលោក សុះ ម៉ាត់ ដែរ”។ អ្នកស្រីបានបន្តទៀតថា ប្តីអ្នកស្រីពិតជាមាន ប្រពន្ធ ៧ នាក់មែន តែមិនដឹងមានស្រីៗក្រៅពីនេះ ប៉ុន្មាននាក់នោះទេ ទើបមានគេតែងតែរកប្រពន្ធទី ១របស់លោក ហើយអះអាងថា សុទ្ធ ជាកូនលោកដូច្នេះ។
បើតាម ការបញ្ជាក់ឡើងវិញរបស់លោក ស្រី សាន់ម៉ី សាម៉ាស បានឲ្យដឹងថា “ប្តីខ្ញុំមានប្រពន្ធមិនតិចជាង ៧ នាក់នោះទេ ក៏ប៉ុន្តែផ្លូវការលោកស្រីដឹងតែ ៤ នាក់តែប៉ុណ្ណោះ ហើយកូនសរុបនៃប្រពន្ធទាំង ៤ គឺមាន ១៨ នាក់ និងចៅជាង ៤០ នាក់”។ដោយសារតែហេតុផលនេះទើបមានពាក្យខាងលើពំនោលឡើង។
ក្នុងចំណោមកូនៗ របស់លោក សុះ ម៉ាត់ មានតែ កូនប្រពន្ធទី ៤ ម្នាក់គត់ ដែលមាននិស្ស័យជាប់នឹងសិល្បៈ អាចបន្តស្នាដៃរបស់លោក នោះគឺលោក សុះ ម៉ាច ដែលជាប្រធានសមាគមន៍សិល្បៈនាពេលបច្ចុប្បន្ន ក្រៅពីនេះ គ្មាននរណាមាននិស្ស័យដូចឪពុកឡើយ។
សូមបញ្ជាក់ផងដែរថា នៅពេលដែល ប្រទេសកម្ពុជា ជួបគ្រោះអាសន្ន ពីពូកក្បត់ ប៉ុល ពត មុនថ្ងៃទី ១៧ ខែ មេសា ឆ្នាំ ១៩៧៥ លោក សុះ ម៉ាត់ បានលាប្រពន្ធទី ១ របស់លោក ទៅកាន់ខេត្ត កំពង់ស្ពី ចាប់តាំងពីពេលនោះ មកដំណឹងស្លាប់រស់របសលោក ត្រូវបានបាត់រហូតមកទល់នឹងពេលសព្វថ្ងៃលើទឹកដីខេត្តកំពង់ស្ពឺ៕
https://i1272.photobucket.com/albums/y389/domneng/sin-sisamuth-profile_zps8671591c.jpg
មតិយោបល់