ខេត្តកំពង់ចាម៖ លោកឧត្តមសេនីយ៏ត្រី បែន រ័ត្ន ស្នងការនគរបាលខេត្ត បានបញ្ចេញវិធានក្តៅគគុកក្នុងរយៈពេល២ថ្ងៃជាប់ៗគ្នានេះ ដោយបានចុះបង្ក្រាបកន្លែងលេងបាល់ទះ បង្កប់ល្បែងស៊ីសងបៀរដាក់លុយធំៗ របស់អតីតថៅកែឈើគ្រញូង ឈ្មោះ លី ឈុនអ៊ូ ភេទប្រុស អាយុ ៣៤ ឆ្នាំ នៅភូមិទី៨សង្កាត់កំពង់ចាម ក្រុងកំពង់ចាម ។ ប្រតិបត្តិការនេះធ្វើឡើងនៅវេលា ម៉ោង២ និង៤០នាទីរសៀលថ្ងៃទី១៤ មិថុនា ២០១៤ ដោយឃាត់អ្នកញៀនល្បែងបានចំនួន៣នាក់ ក្នុងនោះមានមន្ត្រីរដ្ឋបាលព្រៃឈើកំពង់ចាមម្នាក់ផងដែរ ត្រូវបានបញ្ជូនទៅកាន់ស្នងការដ្ឋាននគរបាលខេត្តដើម្បីសួរនាំ ។
លោកវរសេនីយ៏ទោ ចាន់ ហោ នាយរងការិយាល័យកណ្តាលព្រហ្មទណ្ឌខេត្ត ប្រាប់ឲ្យដឹងថាៈ ចំពោះបុរសចំនួន៣នាក់ ដែលត្រូវបានកម្លាំងនគរបាលអន្តរាគមន៏ខេត្ត ចុះទៅឃាត់នោះមានៈ ១-ម្ចាស់ផ្ទះ(ឈុន អ៊ូ ) ២-ឈ្មោះ តូយ ចាន់ផល ជាមន្ត្រីរដ្ឋបាលព្រៃឈើ អាយុ ៤៧ឆ្នាំ នៅភូមិទី៥ សង្កាត់វាលវង់ ក្រុងកំពង់ចាម ៣- ឈ្មោះ យិន សាអែម អាយុ ៣៩ ឆ្នាំ នៅភូមិអូរតានៅ ឃុំមៀន ស្រុកព្រៃឈរ ដកហូតបានទូរស័ព្ទចំនួន២គ្រឿង បៀរ១ហ៊ូផងដែរ ។
លោកវរសេនីយ៏ទោ ចាន់ ហោ នាយរងការិយាល័យកណ្តាលព្រហ្មទណ្ឌខេត្ត ប្រាប់បន្តថាមុននឹងសមត្ថកិច្ចឈានទៅដល់ការបង្ក្រាប ក្រសោបបានអតីតថៅកែឈើគ្រញូងខាងលើនេះ គឺមានប្រជាពលរដ្ឋបានចូលទៅមើលគេលេងបាល់ទះ ក្នុងបរិវេណក្រោយផ្ទះជួល ក៏ស្រាប់តែក្នុងបន្ទប់មួយមានលេងល្បែងស៊ីសងបៀរដាក់លុយធំៗ ។ គ្រានោះអ្នកមើលរូបនោះបានចេញមកក្រៅ រាយការណ៏តាមទៅលោកឧត្តមសេនីយ៏ត្រី បែន រ័ត្ន ស្នងការនគរបាលខេត្តជាបន្ទាន់ ហើយក៏បានចាត់ឲ្យរូបលោកដឹកនាំកម្លាំងចុះបង្ក្រាបជាបន្ទាន់ ដោយមានលោករៀល សុភិន ព្រះរាជអាជ្ញារងអមសាលាដំបូងខេត្តចុះទៅផងដែរ ។
លោកថាក្នុងពេលចុះទៅនោះបានធ្វើឲ្យបុរសម្នាក់ ក្នុងចំណោម៤នាក់បានរត់គេចខ្លួនទាន់ពេលវេលាគេចទៅក្រៅបាត់ ក្រសោបបានតែចំនួន៣នាក់ មានម្ចាស់កន្លែងជួលនេះក៏លេងដែរ ។លោកវរសេនីយ៏ទោ ចាន់ ហោ បានបញ្ជាក់ថា ក្នុងប្រតិបត្តិការក្តៅគគុករបស់លោកស្នងការនគរបាលខេត្តដែលត្រូវបានធ្វើឡើងចំនួន២ថ្ងៃជាប់ៗគ្នានេះ ប្រៀបបានដូចភ្លៀងរលឹមព្រោះនេះជារដូវល្បែងភ្នាល់បាល់ World cup ផង ។ ត្រូវតែទប់ស្កាត់ឲ្យបានទាន់ពេលវេលា ដើម្បីរក្សានូវភូមិឃុំមានសុវត្ថិភាពទាំង៩ចំនុច លោកថាការបង្ក្រាបខាងលើនេះ ប៉ះចំអតីតថៅកែឈើគ្រញូង ឈ្មោះ លី ឈុនអ៊ូ តែម្តង។ក្រុមអ្នកញៀនល្បែងទាំង៣នាក់ កំពុងតែស្ថិតនៅ បន្ទប់ការិយាល័យព្រហ្មទណ្ឌកំរិតស្រាលខេត្តសមត្ថកិច្ចកំពុងតែសួរនាំ បំពេញបែបបទបញ្ជូនទៅសាលាដំបូងខេត្ត ចាត់ការតាមច្បាប់ ៕
https://i1272.photobucket.com/albums/y389/domneng/3D/Employer3_zps767fd681.png
https://i1272.photobucket.com/albums/y389/domneng/3D/Employer1_zps17f4ecd8.png
https://i1272.photobucket.com/albums/y389/domneng/3D/Employer2_zpsbee26ee9.png
មតិយោបល់