កណ្តាល: មានរថយន្តមួយគ្រឿងម៉ាក Hiluck Vigo ពណ៌សំបកឪឡឹក ពាក់ស្លាកលេខ ភ្នំពេញ 2k-1200 បើកបរក្នុងល្បឿនលឿន បានជ្រុលចង្កូតទៅបុកម៉ូតូ Possa យ៉ាងពេញទំហឹង ពណ៌ខៀវ ពាក់ស្លាកលេខភ្នំពេញ 1CG-6370 បណ្តាលឲ្យម៉ូតូផ្លោង ខ្ទាតទៅចិញ្ចើមផ្លូវ ។បន្ទាប់ពីកើតហេតុហើយភ្លាមៗ ម្ចាស់រថយន្តជាជនជាតិម៉ាឡេ បានបើកទ្វារថយន្តរត់គេចខ្លួនបាត់ ស្រមោល ទើបមួយសន្ទុះបានហៅបក្សពួកមកដោះស្រាយ។

ហេតុការណ៍នេះបានកើតឡើងកាលពី វេលាម៉ោង១៣និង៤៥នាទី ថ្ងៃទី១០ ខែឧសភា ឆ្នាំ២០១៦ នៅមុខហាងគុយអេង លើកំណាត់ផ្លូវ២១A សង្កាត់តាខ្មៅ ក្រុងតាខ្មៅ ខេត្តកណ្តាល។

ចំពោះករណីគ្រោះថ្នាក់ចរាចរណ៍ខាងលើនេះ មិនបណ្តាលឲ្យនរណាម្នាក់ រងរបួសនោះទេ។
រីឯរថយន្ត និងម៉ូតូត្រូវបានកម្លាំងជំនាញចរាចរណ៍ក្រុងតាខ្មៅ ធ្វើការវាស់វែង និងយកមករក្សាទុកនៅអធិការក្រុងតាខ្មៅ ដើម្បីរង់ចាំការដោះស្រាយនៅពេលក្រោយ៕