នៅរាត្រីនេះវេលាម៉ោង ២ និង ០០ នាទី ប្រេស៊ីល និង ម៉ិចស៊ិកូ ស្ថិតនៅក្រុម A នឹងជួបគ្នា ខណៈដែលក្រុមទាំង ២ មាន ៣ ពិន្ទុដូចគ្នា ។ សម្រាប់គូនេះ ប្រេស៊ីល ធ្លាប់មានប្រវត្តិឈ្នះ ម៉ិចស៊ីកូ ទាំងប្រផិតប្រផើយ ក្រៅក្របខណ្ឌ World Cup ដោយលទ្ធផល ២ – ១ ខណៈដែល កាលនោះ Neymar ក៏ចួលរួមប្រកួតផងដែរ ។
បើទោះបីជាយ៉ាងនេះក្តី ការប្រកួតយប់នេះ គេនៅតែធៀបនឹងលទ្ធផល ចាស់ ប្រវត្តិចាស់ថា ប្រេស៊ីល នឹងជួបវឹកវរ ដោយឈ្នះទាំងប្រផិតប្រផើយ ក្រោយគេបានឃើញទម្រង់លេង ជាមួយនឹងក្រូអាត ពិបាកយកភ្នែកមើល ដោយមិនសូវស៊ីសង្វាក់គ្នាសោះឡើយ ។ តែបញ្ច្រាសមកវិញ បើសិជាយប់នេះជាថ្ងៃស៊យ ប្រេស៊ីល ចាញ់ ម៉ិចស៊ិកូ នោះ ម្ចាស់ផ្ទះ ប្រេស៊ីល កាន់តែដុនដាប ទៅហើយ ដែលជាមុខសញ្ញាថ្មី ត្រូវជួបអាសន្ន។
អ្នកវិភាគ និងនិយម តាមដានព័ត៌មានកីឡាករ លោក សុខុម បុគ្គលិកបម្រើការងារក្នុងហាងឯកជនមួយកន្លែងក្នុងរាជធានីភ្មំពេញបានឲ្យដឹងថា ” តាមការយល់ឃើញ និងតាមដានកន្លងមក ប្រេស៊ីល មិនអាចនឹងឆ្លងផុតវគ្គ ១៦ ក្រុមចុងក្រោយនោះទេ ជាពិសេស ពូលខ្វែង បើសិនជាជួប ឈីលី ឬ អេស្ប៉ាញ ដែលជាក្រុម B នោះ អាចនឹងដេកដូចអាត្នោត នេះមិននិយាយដល់ ក្រុម ហុល្លង់ ដែលលុត អេស្ប៉ាញ យ៉ាងចាស់ដៃផង។ លោកបានបន្តទៀថា និយាយបែបនេះ មិនមែនលោក ពេញចិត្តនឹងក្រុមទាំងនោះ ទេ តែលោកវិភាគ ទៅតាមអ្វីដែលខ្លួនធ្លាប់ដឹង និងអ្វីដែលឃើញស្រាប់ ព្រោះថាហុល្លង់នៅពេលនេះ ខ្លាំងណាស់អាច កាច់ស្នឹងគោ ដោយលុត ៥ – ១ ” ។ ហុល្លង់ គឺជាក្រុម ដែលរំពឹងថា នឹងដឹកមុខ នៅក្រុម B នេះ ហើយឡើងទៅជួប ក្រុមផ្សេងទៀត ។ ក្រុមដែលប្រេស៊ីល គួរយកចិត្តទុកដាក់នៅពេលនេះដែរ គឺមាន បារាំង និង អាល្លឹម៉ង់ ខណៈដែល អេស្ប៉ាញទំនងឆ្លងមិនផុត ពីកណ្តាប់ដៃ ហុល្លង់ឡើយ។
លោក Pele ធ្លាប់បានវិភាគ ពីដើមទី មុនប្រកួត World Cup ថា “អាល្លឺម៉ង និងអេស្ប៉ាញ ជាក្រុមដែលប្រេស៊ីល ត្រូវយកចិត្តទុកដាក់” ។ ក៏ប៉ុន្តែនៅពេលនេះ មិនមែនមានតែក្រុម ២ នោះទេ ដែលត្រូវយកចិត្តដាក់នោះ គឺក្រុម ហុល្លង់ ដែលដឹកនាំដោយ Van Gaal ក៏ត្រូវប្រេស៊ីល យកចិត្តទុកដាក់ រួមទាំង បារាំងផងដែរ។
មួយវិញទៀត ប្រភពវិភាគខាងលើ បានបន្តថា “បើសិនជា ប្រេស៊ីល ជួប កូស្តារីកា ឬ អ៊ីតាលី ដែលស្ថិតនៅក្រុម D នៅពូលខ្វែង ជាមួយនឹងក្រុមណាមួយ គឺពិបាកបំផុតហើយ ពោលគឺឆ្លងមិនផុតវគ្គ ១៦ ក្រុមចុងក្រោយនោះទេ ” ។
តែទោះជាយ៉ាងណា នោះគឺជារឿងពេលខាងមុខ អ្វីដែលយើងផ្តោតនៅពេលនេះ គឺការប្រកួត យប់នេះតែម្តង ថាប្រេស៊ីល អាចលុត ម៉ិចស៊ីកូ ឬក៏យ៉ាងណា ?
បញ្ជាក់ផងដែរថា នេះគ្រាន់តែជាការយល់ឃើញមួយជ្រុងរបស់ អ្នកតាមដានកីឡាតែប៉ុណ្ណោះ ខុសត្រូវ សូមបញ្ជេញមតិ ៕
ប្រវត្តិធ្លាប់ជួបគ្នារវាង ប្រេស៊ិល និង ម៉ិចស៊ិកូ ៖
មតិយោបល់