ខ្សែប្រយុទ្ធ Paris St-Germain កីឡាករ Edinson Cavani កំពុងតែបើកដៃឲ្យក្លិប បិសាចក្រហម។
អ្នកលេងសញ្ជាតិអ៊ុយរ៉ូហ្កាយ ត្រូវបានសារព័ត៌មាន វីគីផ្សាយថា ជាមួយនឹងអ្នកគ្រប់គ្រងថ្មីរបស់ក្លិបបិសាចក្រហម លោក Louis van Gaal គឺមានគោលបំណងចង់បានកីឡាកររូបនេះ ដែលទំនង ខាង PSG មិនចង់ឲ្យតម្លៃខ្លួនកីឡាកររូបនេះថោកនោះទេ ដោយត្រូវលក់ចេញក្នុងតម្លៃខ្លួនថ្លៃកប់ពពកហើយអ្នកលេងគឺត្រូវតែបន្តលេង ឲ្យ PSG ដដែល បើសិនជា បិសាចក្រហមមិនព្រម។
Cavani បានប្រាប់ដល់អ្នកសារព័ត៌មានថា “អ្វីទាំងអស់ដែលកើតឡើងក្នុងពិភពបាល់ទាត់ពេលខ្លះ អ្នកមិនដឹងនោះទេ ។ លោកបានបន្តថា នៅថ្ងៃនេះអ្នកកំពុងលេងឲ្យក្រុមមួយ តែថ្ងៃបន្ទាប់អ្នកអាចនឹងទៅលេងឲ្យក្រុមផ្សេង” ។
កីឡាករវ័យ ២៧ ឆ្នាំ រូបនេះបានចូលរួមលេងឲ្យ PSG កាលពីខែ កក្កដា ក្នុងតម្លៃខ្លួន ៦៤,៥ លានអឺរ៉ូ ដោយកុងត្រារយៈពេល ៥ ឆ្នាំ ។ បច្ចុប្បន្ន Cavani កំពុងលេងឲ្យជាតិខ្លួន នៅ ប្រេស៊ីល ៕
មតិយោបល់