ការប្រព្រឹត្តរឿងក្តៅសាច់មិនត្រឹមតែធ្វើឲ្យទំនាក់ទំនងស្នេហារបស់លោកអ្នកកាន់តែស្និតរមួតប៉ុណ្ណោះទេ វាក៏ជាឱសថដែលអាចព្យាបាលជំងឺឈឺក្បាល ជួយឲ្យលំហូរឈាមនៅក្នុងរាងកាយរត់បានល្អ ជាពិសេសគឺធ្វើឲ្យអារម្មណ៍ស្រស់ថ្លាតែម្តង។ ជាងនេះទៅទៀតទំនាក់ទំនងដោយផ្ទាល់នៃរាយកាយរបស់គូស្នេហ៍អាចមានឥទ្វិពលដ៏អស្ចារ្យដែលនឹកស្មានមិនដល់។
១. ព្យាបាលជំងឺឈឺក្បាល
អ្នកវិទ្យាសាស្ត្របានបង្ហាញថា៖ ទំនាក់ទំនងផ្លូវភេទជាឱសថដ៏សក្តិសិទ្ធក្នុងការជួយព្យាបាលជំងឺឈឺក្បាល។ ពីព្រោះនៅពេលដែលមនុស្ស ២ នាក់មានទំនាក់ទំនងគ្នាវាអាចបញ្ចេញនូវសារធាតុពីធម្មជាតិដែលជួយបំបាត់ភាពឈឺចាប់នៅក្នុងខួរក្បាល ធ្វើឲ្យអ្នកមានអារម្មណ៍ស្រស់ស្រាយ។ ដូច្នេះការរួមភេទមិនត្រឹមតែអាចដោះស្រាយតម្រូវការបុគ្គលម្នាក់ទេនោះទេ វាថែមទាំងអាចជួយព្យាបាលជំងឺយ៉ាងមានប្រសិទ្ធិភាពផងដែរ។
២. កាត់បន្ថយភាពតានតឹង
មនុស្សតិចណាស់ដែលបានដឹងថា ការរួមភេទអាចព្យាបាលភាពតានតឹងយ៉ាងមានប្រសិទ្ធិភាព នៅពេលដែលសកម្មភាពខួរក្បាលជួបនឹងភាពតានតឹង ហត់នឿយនឹងការងារ ដៃគូរៀបការរួចនឹងជាអ្នកដោះលែងខ្លួនឯងឲ្យមានសេរីភាព បំបាត់ភាពភ័យខ្លាច ព្រួយបារម្ភនៅក្នុងជីវិតប្រចាំថ្ងៃ។ ប្រសិនបើអ្នកមានអារម្មណ៍តានតឹង ត្រូវត្រលប់ទៅស្និទ្ធស្នាលនឹងស្វាមីរបស់អ្នកចុះ នោះវានឹងអាចជួយឲ្យអ្នកបានធូរស្បើយ។
៣. បង្កើនលំហូរឈាម
ការរួមភេទជួយបង្កើនលំហូរឈាមក្នុងរាងកាយ។ ប្រសិនបើប្រព័ន្ធក្នុងរាងកាយដំណើរការបានទៀងទាត់ អ្នកប្រាកដជាជួបនឹងអារម្មណ៍ល្អ និងសុខភាពល្អ។
៤. ចំហេះថាមពល
ធ្វើលំហាត់ប្រាណដើម្បីកាត់បន្ថយសារធាតុខ្លាញ់ ប៉ុន្តែការរួមភេទក៏អាចជួយដល់ចំហេះថាមពលផងដែរ។ នេះក៏ជាតិចនិចដ៏អស្ចារ្យមួយដើម្បីជួយដល់សុខភាពបេះដូង។
៥. ជួយឲ្យក្មេងជាងវៃបានយូរ
អ្នកមិនចាំបាច់ត្រូវការស្វែងរកឱសថសម្រាប់រក្សាភាពវៃក្មេងរបស់អ្នកទេ ពីព្រោះការរួមភេទក៏អាចធ្វើឲ្យអ្នកកាន់តែក្មេងជាងវ័យដែរ។ រួមភេទឲ្យបានយ៉ាងតិច ២ ដងក្នុង ១ សប្តាហ៍អាចជួយឲ្យអ្នកមានអាយុវែង និងពង្រឹងប្រព័ន្ធភាពស៊ាំ។ ហើយវាក៏អាចជួយឲ្យស្បែកមានសុខភាពល្អ មានអារម្មណ៍ល្អ ធ្វើការបានល្អ។
៦. ជួយបង្កើនអរម៉ូនភេទញី(អឺសត្រូសែន)
ក្នុងពេលដែលអ្នកចាស់ បរិមាណនៃអឺសត្រូសែនត្រូវបានថយចុះ។ នៅពេលអ្នកបានរួមភេទ នោះអ្នកនឹងអាចបង្កើននូវកម្រិតអឺសត្រូសែនក្នុងរាងកាយ។ ការរួមភេទជួយដល់សុខភាពបេះដូង និងជួយឲ្យអ្នកមានអារម្មណ៍នឹងនរ។
៧. ជួយបង្កើនភាពស្និទ្ធស្នាល
ពេលដែលមនុស្ស ២ នាក់បានរួមភេទជាមួយគ្នា ជាធម្មតាអាចជួយឲ្យទំនាក់ទំនងរបស់អ្នកកាន់តែប្រសើរឡើង។ ត្រូវយកចិត្តទុកដាក់លើករណីមួយនេះ ព្រោះវាជាគន្លឹះសំខាន់មួយនៅក្នុងជីវិតអាពាហ៍ពិពាហ៍របស់អ្នក៕
មតិយោបល់