អរគុណស្មាតហ្វូនដែលជួយផ្ដល់នូវអ្វីគ្រប់បែបយ៉ាង! ពាក្យមួយឃ្លានេះត្រូវបានមនុស្សជាច្រើនឧស្សាហ៍និយាយ ប៉ុន្តែអ្នកទាំងនោះមិនបានចាប់អារម្មណ៍ថា ពួកគេបានឃ្លាតឆ្ងាយពីមនុស្សជាទីស្រឡាញបន្ដិចម្ដងៗ។
តាមការស្រាវជ្រាវរបស់ Harris Interactive បានរកឃើញថា មនុស្សពេញវ័យនៅសហរដ្ឋអាមេរិក បានចំណាញពេលពេញមួយថ្ងៃរបស់ពួកគេនៅក្បែកស្មាតហ្វូនជានិច្ច ពោលគឺសល់តែ ៩ភាគរយប៉ុណ្ណោះ ដែលជាពេលសម្រាប់ផ្ទាល់ខ្លួន និងនៅក្បែកមិត្តភ័ក្តិ ឬក្រុមគ្រួសារ។
របាយការណ៍ស្រាវជ្រាវបានរកឃើញថា ១២ភាគរយនៃអ្នកប្រើប្រាស់ស្មាតហ្វូននៅសហរដ្ឋអាមេរិក បានប្រើស្មាតហ្វូនខណៈពេលកំពុងមានសិច។ មនុស្សស្ទើរតែទាំងអស់ដែល Harris Interactive បានស្ទង់មតិបាននិយាយថា ពួកគេបានប្រើប្រាស់ស្មាតហ្វូនគ្រប់ពេលវេលា គ្រប់ទីកន្លែង ហើយនៅពេលដែលក្រុមអ្នកស្រាវជ្រាវ ប្រាប់ពួគគេថា “តើមានធ្លាប់គិតថា អ្នកនឹងបាត់បង់ភាពស្និទ្ធិស្នាលបន្ដិចម្ដងៗ នៅពេលដែលអ្នកនៅជាមួយស្មាតហ្វូនច្រើនជាងមិត្តភ័ក្ត ឬក្រុមគ្រូសារ?” ពួកគេបានឆ្លើយថា ពួកគេមិនបានចាប់អារម្មណ៍ទៅលើចំណុចនេះនោះទេ។
លើសពីនេះ របាយការណ៍ក៏បានបញ្ជាក់ថា មាន ៥៥ភាគរយ នៃអ្នកប្រើប្រាស់ស្មាតហ្វូននៅសហរដ្ឋអាមេរិក បានប្រើនៅពេលកំពុងបើកបរ បើទោះបីជាដឹងថា វាមានគ្រោះថ្នាក់ក្ដី ក៏ពួកគេនៅតែប្រើវាដែរ ជាពិសេសគឺប្រើសម្រាប់ការលេងឆាត វាកាន់តែគ្រោះថ្នាក់ជាង ការនិយាយ។
គួរបញ្ជាក់ផងដែរថា នេះគ្រាន់តែជាការស្ទង់មតិមួយទៅលើអ្នកប្រើប្រាស់ស្មាតហ្វូននៅលើទឹកដីសហរដ្ឋអាមេរិក ប៉ុន្តែបើតាមការប៉ាន់ប្រមាណ មិនមែនមានតែសហរដ្ឋអាមេរិកប៉ុណ្ណោះទេ នៅតាមបណ្ដាប្រទេសមួយចំនួនផ្សេងទៀតក៏មានដូចខាងលើដែរ៕
មតិយោបល់