ភ្នំពេញ៖រនាំងដែកពុះចែកទ្រូងផ្លូវចំនួន ១៣ផ្ទាំងត្រូវបានបាក់នឹងដួលរប៉ាត់រប៉ាយពេញផ្លូវដោយសាររថយន្តដឹកស្រាបៀរ អង្គរ មួយគ្រឿងបើកបរដោយបុរសស្រវឹងស្រាជោកជាំម្នាក់បុក កាលពីវេលាម៉ោង៩នឹង១០នាទីយប់ថ្ងៃ១៥ ខែកក្កដា ឆ្នាំ២០១៤ តាមបណ្តោយមហាវិថីសហព័ន្ឋរុស្ស៊ី ទល់មុខអាកាសយានដ្ឋានអន្តរជាតិភ្នំពេញ ស្ថិតក្នុងសង្កាត់សង្កាត់កាកាប់ ខណ្ឌពោធិសែនជ័យ។
នៅកន្លែងកើតហេតុប៉ូលីសមិនទាន់ស្គាល់អត្តសញ្ញាណបុរសស្រវឹងស្រាជោកជាំបើករថយន្តបង្កហេតុខាងលើនៅឡើយទេ។តាមការឲ្យដឹងពីមន្ត្រីនគរបាលខណ្ឌពោធិសែនជ័យបានឲ្យដឹងថាមុនពេលកើតហេតុមានរថយន្តដឹកស្រាបៀរ អង្គរ ពណ៌ក្រហមមួយគ្រឿង ពាក់ស្លាកលេខ តាកែវ 3A-1542 បើកបរដោយបុរសស្រវឹងស្រាជោកជាំម្នាក់បានធ្វើដំណើរយ៉ាងលឿនតាមបណ្តោយមហាវិថីសហព័ន្ឋរុស្ស៊ី ក្នុងទិសដៅពីលិចទៅកើតស្រាប់តែមកដល់ចំណុចកើតហេតុមុខអាកាសយានដ្ឋានអន្តរជាតិភ្នំពេញក៏ព្យាយាមបើកវ៉ារថយន្តមួយគ្រឿងនៅពីមុខទើបជ្រុលចង្កូតទៅបុករនាំងដែកពុះចែកទ្រូងផ្លូវចំពីមុខពេញទំហឹងបណ្តាលឲ្យបាក់ដួលនឹងគាប់ជាប់ក្រោមរថយន្តចំនួន ១៣ផ្ទាំង ចំណែករថយន្តរងការខូចខាតមួយកំណាត់ខាងមុខ។ក្រោយពេលកើតហេតុអ្នកបើកបររថយន្តបង្កហេតុខាងលើបានចុះពីលើរថយន្តរត់គេចខ្លួនបាត់ស្រមោល ឯលរថយន្តត្រូវប៉ូលីសយកទៅរក្សាទុកនៅការិយាល័យចរាចរផ្លូវគោកនៃស្នង់ការដ្ឋាននគរបាលរាជធានីភ្នំពេញដើម្បីធ្វើការដោះស្រាយតាមផ្លូវច្បាប់។
មតិយោបល់