ក្លិបកាំភ្លើងធំ Arsenal បានបញ្ចប់ការចុះហត្ថលេខា ជាមួយនឹងខ្សែការពារ Mathieu Debuchy របស់ក្លិប Newcstle ក្នុងតម្លៃ ១២ លានផោន ។
លោក Arsene Wenger បានបំពេញចំណុចខ្វះខាតរបស់ខ្លួន ខណៈដែល Bacary Sagna ចាកចេញ ហើយនេះគឺជាការចុះហត្ថលេខាទី ២ នៅរដូវកាលនេះ ខណៈដើមខែ កក្កដានេះ បាននាំយក Alexis Sanchez ពីក្លិប Barcelona ។
និយាយជាមួយនឹងគេហទំព័រក្លិបថ្មីរបស់ខ្លួនកីឡាករ Debuchy បានឲ្យដឹងថា “ខ្ញុំពិតជាសប្បាយរីករាយ និង មានមោទនៈភាពខ្លាំងណាស់ ដែលបានចូលរួមលេងជាមួយនឹងក្លិបដ៏អស្ចារ្យ ដូច Arsenal ហើយក៏ជាក្លិបធំក្នុងចំណោមក្លិបនានាលើពិភពលោក”។ កីឡាករសញ្ជាតិបារាំងរូបនេះ បានបន្តថា លោកកំពុងរងចាំ ធ្វើការជាមួយនឹងក្លិបកាំភ្លើងធំ ដើម្បីស្ថាបនាក្រុម ដើម្បីលើកពាន FA Cup ក៏ដូចជាពាន Champions League ដែលខ្លួនទន្ទឹងរងចាំលេង៕
មតិយោបល់